| e-texts navigator |
| Wylie |
178b1 བའི་ལེའུ་སྟེ་བཞི་བཅུ་གཅིག་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ།། དྲག་པོ་ཧོམ་ནག་དེ་ལགས་ན།། ཟོར་གྱི་ཕྲིན་ལས་ཇི་ལྟར་ལགས།། ཞེས
178b2 གསོལ་ནས། རྣལ་འབྱོར་རྗེས་སུ་འཇུག་པ་ལ།། དེ་ཡི་དོན་རྣམས་ངས་བཤད་ཀྱི།། དྲག་པོ་ཟོར་གྱི་དཀྱིལ་འཁོར་ལ།། ཐིག་དང་ཆག་ཆག་གཞུང་བཞིན་བྱ།། དྲག་པོའི་མཎྜལ་གཞུང་བཞིན་བྲི།། མཐིང་ནག་གྲུ་གསུམ
178b3 འབར་བའི་དཀྱིལ་འཁོར་ནས།། བཅོམ་ལྡན་དཔལ་ཆེན་རྡོ་རྗེ་གཞོན་ནུ་ལ།། སྤྲུལ་པའི་ཁྲོ་བོ་རྣམས་བྱུང་བ།། དམ་ཚིག་ཆེན་པོའི་དུས་ལ་བབ།། སྤྲུལ་པ་ཆེན་པོའི་དུས་ལ་བབ།། ཕྱག་བརྙན་མོའི་དུས་ལ་བབ།། ཁྲོ་བོ
178b4 བཅུ་ཡི་ཕྱག་བརྙན་ཏེ།། མོན་མོ་འདི་ལྟར་ཡ་མཚན་ཅན།། མོན་མོའི་ལུས་ལ་ཕྲ་ཐབས་མགོ། གཡས་པ་ཐབས་ཀྱི་ཕྱག་མཚན་ལ།། གཡོན་པ་ཟོར་གྱི་མདའ་འཕེན་མ།། ཕུར་བུའི་ཟོར་འཕེན་ཀྲོལ་ལོ་ལོ།། ཉུང་མོའི་ཟོར
178b5 འཕེན་སི་ལི་ལི།། མཚོན་ཟོར་མང་པོ་ཟངས་སེ་ཟང་།། དུག་ཟོར་མང་པོ་ཐིབས་སེ་ཐིབ།། ནད་ཁྲག་ཁྲག་ཟོར་ཚི་ལི་ལི།། ཁྲག་ཟོར་ཆེན་པོ་དགྲ་ལ་ཡ།། གནག་པའི་ཁོང་དུ་དུག་མདའ་སྤྱོས།། ཁྲོ་བོ་བཅུ་ཡི་ཕྱག་བརྙན
178b6 ཏེ།། མོན་མོ་འདི་ལྟར་ཡ་མཚན་ཅན།། མོན་མོའི་ལུས་ལ་ཕྲ་མེན་མགོ། གཡས་པ་རྟགས་ཀྱི་ཕྱག་མཚན་ལ།། གཡོན་ན་ཟོར་གྱི་མདའ་འཕེན་མ།། དེ་ལྟར་དེ་བཞིན་རྗེས་སུ་བྱའོ།། དམ་ཚིག་དྲུག་གི་དུས་ལ་བབ།། བྲན
iiif viewer powered by OpenSeadragon
