| e-texts navigator |
| Wylie |
178a1 བཅུ་དྲུག་གིས་ནརྀ་བསྲེག་པའི་ལེའུ་སྟེ་བཞི་བཅུ་པའོ།། །། དེ་ནས་ཡང་ཀརྨ་ཧེ་རུ་ཀས།། བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀི་ལ་ཡ།། སྒྲ་ནི་ཡི་གེ་དགུ་དག
178a2 ལ།། དོན་གསུམ་འགྲོ་ལ་ཇི་ལྟར་གསལ།། ཞེས་གསོལ་པ་དང་། རྣལ་འབྱོར་རྗེས་སུ་འཇུག་པ་ལ།། དེ་ཡི་དོན་རྣམས་ངས་བཤད་ཀྱི།། ཀ་ནི་ཕྲིན་ལས་ཆེན་པོ་སྟེ།། སྐུ་ཡི་སྙིང་པོ་དག་ཏུ་བཤད།། ཛ་ནི་འཛིན་ཅིང་འགུག
178a3 པར་བྱེད།། གསུང་གི་སྙིང་པོ་དག་ཏུ་བཤད།། ཨ་ནི་འདེབས་པར་བྱེད་པ་ཡིན།། ཐུགས་ཀྱི་སྙིང་པོ་དག་ཏུ་བཤད།། མཱ་ར་བསད་པ་དྲག་པོའི་སྔགས།། ནརྀ་ནི་སྒྲོལ་བར་བྱེད་པའོ།། ས་ནི་ནུས་པའི་མཆོག་ཡིན
178a4 ཏེ།། མཐུ་དབྲོག་སྲས་མཆོག་སྙིང་པོ་ཡིན།། ར་ནི་ཆགས་པ་དབང་དུ་སྡུད།། དབང་གི་སྲས་མཆོག་སྙིང་པོ་ཡིན།། པྲ་ནི་གཟིར་ཞིང་སྡིག་པ་སྟེ།། བསྡིགས་པའི་སྲས་མཆོག་སྙིང་པོ་ཡིན།། མར་ནི་སླར་ཡང་མི་ལྡང
178a5 སྟེ།། ཟིལ་གནོན་སྲས་མཆོག་སྙིང་པོ་ཡིན།། རྔ་ནི་མངག་པའི་ཕྲིན་ལས་ཏེ།། དགུག་པའི་སྲས་མཆོག་སྙིང་པོ་ཡིན།། སྟོད་ཀྱི་དྲུག་དང་སྨད་ཀྱི་དགུ།། དགུག་བསྟིམ་བསྲེག་དང་འཕང་བའོ།། དྲུག་དང་དགུ་དང་བཅུ་གཅིག
178a6 དང་།། ཡོན་ཏན་ཉི་ཤུ་གཅིག་ལས་སོགས།། ཁ་སྐོང་བ་དང་བསྐང་མི་དགོས།། སྙིང་པོ་ཉི་ཤུ་གཅིག་གིས་ནི།། འདོད་པའི་བྱ་བ་དོན་སྒྲུབ་པའོ།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། སྒྲའི་ཡི་གེའི་དོན་དགྲོལ
iiif viewer powered by OpenSeadragon
