| e-texts navigator |
| Wylie |
176b1 ཕྱིར།། དུར་ཁྲོད་ཆེན་པོའི་ཀློང་དུ་བརྩིགས།། མེ་རི་ཁྲོ་བོ་འབར་བའི་ཧོམ།། དགྲ་བགེགས་མ་ལུས་བསྲེག་པའི་ཕྱིར།། དཀྱིལ་འཁོར་ལ་ནི་བྲི་བར་བྱ།། ཚེར་མ་ཅན་གྱི་ཤིང་རྣམས་དང་།། དུག་ཤིང་གདུག་པ་ཅན་རྣམས
176b2 དང་།། གསང་བའི་ཤག་པ་བཅུ་གསུམ་ལ།། མཎྜལ་རྣམ་གསུམ་གསང་སྔགས་ལ།། ནརྀ་ནི་བར་དུ་བཅུག་ལ་ནི།། མོ་ཧ་གྷ་ཡ་བྲི་བར་བྱ།། ལྕགས་ཐག་གིས་ནི་བསྡམས་ལ་ནི།། གྲུ་གསུམ་ནང་དུ་བཞུགས་སུ
176b3 གསོལ།། བཅུ་དྲུག་ནི་དང་བཅས་པ་ཡིས།། བརྒྱད་དང་སྟོང་དུ་སྲེག་ཕྱིར་བཤམས།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། དྲག་པོ་ཧོམ་ནག་གི་ལེའུ་སྟེ་སུམ་ཅུ་དགུ་པའོ།། །། དེ་ནས་ཡང་ཀརྨ་ཧེ་རུ
176b4 ཀས། བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ། དྲག་པོ་ཧོམ་ནག་དཀྱིལ་འཁོར་དེ་ལགས་ན། སྲེག་རྫས་བཅུ་དྲུག་གིས་བསྲེག་པ་ཡི། དེ་ཡི་དོན་ནི་ཇི་ལྟར་ལགས། ལུང་བསྟན་དུ
176b5 གསོལ།། ཞེས་གསོལ་པ་དང་། འདི་སྐད་ཅེས་བཀའ་སྩལ་ཏོ།། རྣལ་འབྱོར་རྗེས་སུ་འཇུག་པ་ལ།། དེ་ཡི་དོན་རྣམས་ངས་བཤད་ཀྱི།། བྷ་ཡི་སྒྲ་ནི་བྷི་ཤ་སྟ།། མི་ཤ་ཁྱི་ཤ་ར་དང་རྟ།། ནརྀ་དང་གཉིས་སུ་བསྲེག་པ་ནི།། མོད
176b6 ལ་སྲོག་ནི་ཕྲོག་པར་འགྱུར།། ཧེ་ནི་ཧེ་ཆེའི་ཚིལ་དང་རྐང་།། མི་ཁྱི་རྟ་སྤྱང་གླང་དྲེད་ཚིལ།། ནརྀ་དང་གཉིས་སུ་བསྲེག་པས་ནི།། ཆོས་ཉིད་བདེན་པའི་བྱིན་རླབ་སངས་རྒྱས་མཐུས།། ཨ་བྷི་ཙཨཱརྱའི་གནག་པ་འདི་ཁོ་ན།། རྩ་བ
iiif viewer powered by OpenSeadragon
