| e-texts navigator |
| Wylie |
176a1 དགོངས་དོན་གསུམ་དང་སྦྱར།། དངོས་གྲུབ་བར་དུ་གཅོད་པའི་བགེགས།། གདུག་ཅིང་སྡང་སེམས་བྱེད་པ་རྣམས།། བཀའ་ལས་འགལ་བྱེད་སྡིག་ཅན་འདི།། རྡོ་རྗེ་མེ་དཔལ་སྙིང་བསྲེག་ནས།། ལུས་ངག
176a2 རྡུལ་ཕྲན་བཞིན་དུ་རློགས།། བཅུ་དྲུག་དང་ནི་བསྒྲགས་ལ་ནི།། དྲག་པོའི་སྔགས་ཀྱིས་བསྲེག་པར་བྱ།། བསོད་ནམས་ཚོགས་སུ་བསྲེག་པ་དང་།། བསྟན་པ་གཉེན་པོ་འཇིག་པ་བསྲེག། ཅེས་ཀཱི་ལ་ཡ་གསང་བའི་དགོངས
176a3 རྒྱུད་ལས། དྲག་པོ་ཧོམ་ནག་ནརྀ་ཏྲི་རྣམ་གསུམ་གྱིས་བསྲེག་པའི་ལེའུ་སྟེ་གསུམ་ཅུ་བརྒྱད་པའོ།། ། དེ་ནས་ཡང་ཕྲིན་ལས་ཀྱི་རྒྱལ་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ
176a4 ཀཱི་ལ་ཡ།། དྲག་པོ་ཧོམ་ནག་བསྲེག་པ་དེ་ལགས་ན།། ཧོམ་གྱི་དཀྱིལ་འཁོར་ཇི་ལྟར་ལགས།། ཞེས་གསོལ་པ་དང་།། ཉོན་ཅིག་ཀརྨ་ཧེ་རུ་ཀ། ཧོམ་གྱི་དཀྱིལ་འཁོར་གྲུ་བཞི་ལ།། ཧོམ་ལྔ་ཡ་ཐོག་བརྩེགས་མར
176a5 བརྩིགས།། གྲུ་བཞི་ཕྲིན་ལས་རྒྱས་པའི་ཧོམ།། ཚེ་དང་དབང་ཐང་རྒྱས་པའི་ཕྱིར།། བྷ་ག་ཡུམ་གྱི་མཁའ་ལ་བརྩིགས།། ཟླུམ་པོ་ཞི་བ་ཆེན་པོའི་ཧོམ།། དགྲ་བགེགས་མ་ལུས་ཞི་བའི་ཕྱིར།། མ་སྐྱེས་ཐིག་ལེ་ཆེན་པོར
176a6 བརྩིགས།། ཟླ་གམ་དམར་པོ་དབང་གི་ཧོམ།། དགྲ་བགེགས་དབང་དུ་བསྡུ་བའི་ཕྱིར།། སྟོང་གསུམ་ཡུམ་གྱི་མཁའ་ལ་བརྩིགས།། གྲུ་གསུམ་མཐིང་ནག་དྲག་པོའི་ཧོ་མ།། དགྲ་བགེགས་དུག་གསུམ་བསྲེག་པའི
iiif viewer powered by OpenSeadragon
