| e-texts navigator |
| Wylie |
173a1 གྲུབ་རྣམ་གཉིས་ཚོགས་གཉིས་རྫོགས་གྱུར་ཅིག། བདེ་བར་གཤེགས་སོ་གཏན་དུ་མ་ལགས་པར།། ཐུགས་རྗེ་འགྲོ་དོན་རྩེ་གཅིག་མཛད་པར་ཧཱུཾ། དངོས་གྲུབ་ཐོབ་པར་སྐད་ཅིག་མི་དམིགས་སམ།། རྣལ
173a2 འབྱོར་གང་ཞིག་ཚེ་རིང་འདོད་པ་དང་།། ན་ཉུང་གནོད་པ་ཞི་ཞིང་ལན་ཆགས་ཁྱེར་བར་འདོད།། ཕས་གྱི་རྒོལ་བ་ཚར་གཅོད་གནོད་པ་ཞི་བ་དང་།། ལོངས་སྤྱོད་འབྱོར་པ་འཕེལ་ཞིང་བསམ་པ་འགྲུབ་པ་དང་།། བར་ཆད
173a3 མེད་པར་དངོས་གྲུབ་རྣམ་གཉིས་ཐོབ།། ལེ་ལོ་མེད་པར་བརྩོན་པས་ཚོགས་གཉིས་རྫོགས་པར་འགྱུར།། ཞི་རྒྱས་དབང་དང་མངོན་སྤྱོད་དང་།། དགྲ་བགེགས་བསྐྲད་དང་དགུག་པ་དང་།། དེ་ལྟར་དེ་བཞིན་རྣལ་འབྱོར
173a4 དེས།། ཐོགས་པ་མེད་པར་ཐམས་ཅད་འགྲུབ།། ཀི་ལ་ཡ་གསང་བའི་དགོངས་རྒྱུད་ལས། རྒྱུན་གྱི་ཏིང་ངེ་འཛིན་གསང་བའི་དཀྱིལ་འཁོར་རྣམ་གསུམ་གྱི་ལེའུ་སྟེ་སུམ་ཅུ་དྲུག་པའོ།། ། དེ་ནས་ཡང་ཀརྨ་ཧེ་རུ
173a5 ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀི་ལ་ཡ།། བསྐུལ་བ་ལས་ཀྱི་གསང་སྔགས་ལ།། ཡོན་ཏན་ཉི་ཤུ་གཅིག་རྫོགས་པ།། དེ་ཡི་དོན་རྣམས་ཇི་ལྟར་ལགས།། བདེ་བར
173a6 གཤེགས་པས་ལུང་བསྟན་དུ་གསོལ།། ཞེས་གསོལ་པ་དང་།། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་རྗེས་སུ་འཇུག་པ་ལ།། དེ་ཡི་གསང་དོན་ངས་བསྟན
iiif viewer powered by OpenSeadragon
