| e-texts navigator |
| Wylie |
172b1 མེད་པའི་མཆོད་པ་ཡིས།། སྐུ་གསུང་ཐུགས་སུ་རྣམ་པར་དག། དམན་པའི་ཟས་ལ་བཟའ་མི་བྱ།། དེ་ལ་ལྡོག་མེད་མ་གཡེལ་ན།། ནང་རྟོགས་ནུབ་ནི་སྐུ་གསུང་ཐུགས།། དངོས་གྲུབ་ཆེན་པོའི་མཚན་ཆེན་པོ།། ཕ་རོལ་སྐྱེ
172b2 བ་ལེན་པ་པོར།། གསང་སྔགས་ཏིང་འཛིན་མ་གཡེངས་ན།། སྐུ་དང་གདུང་དང་འོད་དང་སྒྲ།། དོན་གྱི་རྟགས་དང་མཚན་མ་ཡང་།། སངས་རྒྱས་རྟགས་རྣམས་དུས་སུ་འབྱུང་།། གསང་བའི་དཀྱིལ་འཁོར་དམ་པ
172b3 ཡིན།། གཞན་ཡང་གསོལ་བའི་ལྷག་མ་ལ།། དང་པོ་སྦྲང་སྤེལ་གོང་བཞིན་དུ།། ཀུ་མཱ་ར་ཉིད་གསལ་བསྒོམས་ལ།། སྣང་སྲིད་དཀྱིལ་འཁོར་རྣམ་གསུམ་དུ།། ཏིང་འཛིན་སྔགས་ཀྱིས་རིམ་བཞིན་བསྐྱེད།། ཡེ་ཤེས་འོད
172b4 ཟེར་བསྐུལ་བས་ནི།། ངམས་པའི་ཚུལ་གྱིས་སྤྱན་དྲངས་ནས།། གསང་བའི་སྔགས་ཀྱིས་གཉིས་མེད་བསྟིམ།། བྲན་དང་ཕོ་ཉ་དེ་བཞིན་དུ།། རང་རང་སྙིང་པོས་སྤྱན་དྲངས་ནས།། བདུད་རྩི་གཏོར་མ་དབུལ་བར
172b5 བྱ།། དབུལ་བའི་གསང་སྔགས་རབ་བརྗོད་པས།། བདུད་རྩི་རྣམ་གསུམ་ཚིམ་པར་བསམ།། མཐིང་ནག་གྲུ་གསུམ་འབར་བའི་མཎྜལ་ན།། བཅོམ་ལྡན་རྡོ་རྗེ་གཞོན་ནུ་ཡབ་ཡུམ་དང་།། ཕྱོགས་བཅུ་ཁྲོ་རྒྱལ་ཡབ་ཡུམ་སྲས
172b6 མཆོག་ཟ་བྱེད་ཚོགས།། འཁོར་གྱི་དམ་ཅན་བྲན་དང་ཕོ་ཉ་ཚོགས།། དམ་རྫས་བདུད་རྩིའི་གཏོར་མ་འདི་འབུལ་བས།། བར་ཆད་མེད་ཅིང་གནོད་པ་ཞི་བ་དང་།། ལས་ཀྱི་འབྲས་བུ་བསམ་པ་འགྲུབ་པར་མཛོད།། དངོས
iiif viewer powered by OpenSeadragon
