| e-texts navigator |
| Wylie |
171a1 གསུང་ཐུགས་ཉིད་ནི།། རྣལ་འབྱོར་ཆེན་པོ་གདེང་ཆེན་ཟློག་མེད་ཀྱིས།། རྩ་བ་ཡན་ལག་དམ་ཚིག་མ་ཉམས་ངེས་ཐུབ་ན།། དབང་གསུམ་རྫོགས་པས་གཞན་ལ་རེ་མི་འཇོག། རེ་དོགས་གཉིས་དང་བྲལ
171a2 བའི་བྱང་སེམས་ཀྱིས།། བུདྡྷ་རང་ཉིད་གཞན་ནས་བཙལ་དུ་མེད།། ཕུང་པོ་བྷྲཱུཾ་ལས་རིན་ཆེན་གཞལ་ཡས་ཁང་།། ཁོག་པ་དུར་ཁྲོད་ཆེན་པོའི་དཀྱིལ་འཁོར་རོ།། རིགས་ལྔ་འདུས་པའི་རྩ་ཆེན་ཙིཏྟ་ནི།། དངས་མ་དག་ནི་ཡེ
171a3 ནས་རྡོ་རྗེའི་ཐུགས།། རྡོ་རྗེ་གཞོན་ནུ་གདོད་ནས་རང་བྱུང་གནས།། སྲོག་དང་མ་བྲལ་ཡེ་ཤེས་སེམས་དཔའི་ཐུགས།། གློ་བ་མ་གཉིས་བུ་གཉིས་བཞི་ལ་ནི།། རྩ་བཞི་དག་ལ་འབྱུང་བའི་དངས་མ་བཞི།། གསང་བའི
171a4 ཡུམ་བཞི་གདོད་ནས་རང་བྱུང་གནས།། སུམ་མདོའི་རྩ་ལ་དེ་བཞིན་རིགས་ཀྱི་དངས།། ཁྲོ་བོའི་རྒྱལ་པོ་རྣམ་རྒྱལ་རང་བྱུང་གནས།། གཡས་ན་འབད་རྩོལ་བྱང་ཆུབ་སེམས།། གཡོན་ན་ཐོགས་མེད་བྱང་ཆུབ
171a5 སེམས།། མཆིན་པའི་རྩ་ལ་པདྨ་རིགས་ཀྱི་དངས།། ཁྲོ་ཆེན་རྟ་མགྲིན་རང་བྱུང་གནས།། གཡས་ན་གཟེ་མྱུར་བྱང་ཆུབ་སེམས།། གཡོན་ན་གསལ་བཀྲ་བྱང་ཆུབ་སེམས།། མཁྲིས་པའི་རྩ་ལ་ཡོན་ཏན་རིགས་ཀྱི
171a6 དངས།། གཤིན་རྗེའི་གཤེད་པོ་རང་བྱུང་གནས།། གཡས་ན་གཙང་མ་བྱང་ཆུབ་སེམས།། གཡོན་ན་མུན་མཐོང་བྱང་ཆུབ་སེམས།། གསང་བའི་རྩ་ལ་ཕྲིན་ལས་རིགས་ཀྱི་དངས།། བདུད་རྩི་འཁྱིལ་པ་རང་བྱུང
iiif viewer powered by OpenSeadragon
