| e-texts navigator |
| Wylie |
16a1 པ་གཡོན་པའི་མཐེ་བོང་གིས།། གུང་མོ་སྲིན་ལག་སེན་མོས་མནན།། གཡས་པའི་མཐེ་བོས་མཛུབ་མོ་མནན།། ལྷག་མ་གསུམ་པོ་གཡོན་པའི་ནང་།། ཤུབས་ནས་ཕྱུང་བ་ལྟར་བྱས་པ།། རལ་གྲིའི་ཚུལ
16a2 དུ་བྱས་པ་ནི།། ནམ་མཁའི་སྙིང་པོའི་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས་ནི།། རྒྱས་པའི་ལས་ལ་ཤིན་ཏུ་འཇིག། ཧྲི་ཧ་ཧཱུཾ་པདྨ་པཱ་ད་མ།། རྡོ་རྗེ་ཐལ་མོ་དམ་བསྣོལ་ནས།། གུང་གཉིས་གཤིབས་ཏེ་ཚིགས་ཆེན
16a3 བཅག། པདྨའི་ཚུལ་དུ་རབ་མཛེས་པ།། སྤྱན་རས་གཟིགས་ཀྱི་ཕྱག་རྒྱ་ཡིན། སྔགས་དང་ཕྱག་རྒྱ་འདི་ཡིས་ནི།། དབང་གི་ལས་ལ་ཐེ་ཚོམ་མེད།། ཛྷི་ཀུ་རུ་པཱ་ཎ་ཧྲཱི།། རྡོ་རྗེ་ཐལ་མོ་དམ་བསྣོལ་ནས།། གུང་མོ་གཉིས
16a4 བསྒྲེང་སྙིང་པོ་ལ།། མཐེ་བོང་སྲིན་ལག་དྲང་བརྐྱང་སྟེ།། མཛུབ་མོ་མཐེའུ་ཆུང་ར་ཡི་ཚུལ།། རྡོ་རྗེ་རྩེ་ལྔའི་ཚུལ་བྱས་པ།། ཕྱག་ན་རྡོ་རྗེའི་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས་ནི།། དྲག་པོའི་ལས་ལ་ཐེ་ཚོམ
16a5 མེད།། མེ་དྷ་ར་ཎེ་སྭཱ་ཧཱ།། ཐལ་མོ་ཁོང་སྟོང་སྦྱར་བ་ལས།། མཐེ་བོང་གཉིས་འཁྱུད་དབུས་བཞག་སྙིང་པོའི་ཚུལ།། སོར་མོ་ཨུཏྤལ་གྱེས་པའི་ཚུལ།། བྱམས་པ་མཻ་ཏྲིའི་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས
16a6 ནི།། མཚན་དང་དཔེ་བྱད་སྐུ་ཡང་ཐོབ།། བྷཱི་ནི་སྨ་རམྦྷ་ཡ་སྭཱ་ཧཱ།། ཐལ་མོ་རྒྱབ་བསྣོལ་སོར་མོར་འཁྱུད།། མཐེབ་གཉིས་སྟེང་གི་དཀྱིལ་དུ་གཞག། ཆོས་ཀྱི་འཁོར་ལོ་བསྐོར་བའི་ཚུལ།། སྒྲིབ་པ་རྣམ་སེལ་ཕྱག
iiif viewer powered by OpenSeadragon
