| e-texts navigator |
| Wylie |
169a1 བལྟ་བའི་ཉམས་པ་ལ།། ཐུགས་རྗེ་དབྱེར་མེད་འདེབས་པའི་ཕྱིར།། འདི་ནི་གདབ་ཕུར་དམ་པ་ཡིན།། དཀྱིལ་འཁོར་རྣམ་གསུམ་དེ་བཞིན་ལ།། བདག་གི་ཐུགས་ཀའི་འོད་ཟེར་བསྐུལ།། སྔོན་གྱི་ཐུགས
169a2 དམ་རྗེས་དྲན་ཏེ།། རྔམ་པའི་ཚུལ་གྱིས་སྤྱན་དྲངས་ནས།། དཀྱིལ་འཁོར་རྣམ་གསུམ་གཉིས་མེད་བསྟིམ།། ཕྱི་ནང་གསང་བའི་མཆོད་བསྟོད་ནས།། ཏིང་འཛིན་མི་གཏོང་ཡུན་དུ་བསྲིངས།། སྐྱོ་ངལ་མེད་ན་སངས
169a3 རྒྱས་ཡིན།། སྔགས་དང་སྨོན་ལམ་མཐུ་བྱིན་ཆེ།། ལས་དང་བྱ་བ་གདོན་མི་ཟ།། ངེས་པར་བརྩམས་པས་ཅི་འདོད་འགྲུབ།། དངོས་གྲུབ་རྣམ་གཉིས་ཐོབ་པར་འགྱུར།། སྐུ་གསུང་ཐུགས་ཀྱི་དངོས་གྲུབ་འདི།། མ་བྱིན་པར
169a4 ཡང་རྒྱུན་དུ་བླང་།། རྡོ་རྗེ་གཞོན་ནུའི་རིག་འཛིན་ཡིན།། ཕྱི་ཡི་དཀྱིལ་འཁོར་རྣམ་གསུམ་དམ་པའི་མཆོག། ནང་གི་དཀྱིལ་འཁོར་རྣམ་གསུམ་ནི།། རྣལ་འབྱོར་རྗེས་སུ་འཇུག་པ་རྣམས།། དང་པོ་ཀུན་གཞི་སྟོང་པ་ཉིད་ཀྱི
169a5 ལུང་།། གཉིས་པས་འགྲོ་དོན་རྒྱུ་འབྲས་མཚམས་སྦྱོར་ལུང་།། གསུམ་པས་ཡེ་ཤེས་མཚོན་པ་རྒྱུ་ཡི་ལུང་།། དེ་རྗེས་ཡེ་ཤེས་རྟོག་པ་གཞིལ་བའི་ལུང་།། སྣང་སྲིད་དཀྱིལ་འཁོར་རྣམ་གསུམ་གཏན་ལ་དབབ།། བདག་གིས
169a6 བསྐྱེད་པའི་དཀྱིལ་འཁོར་རྣམ་གསུམ་དང་།། རང་བཞིན་དཀྱིལ་འཁོར་རྣམ་གསུམ་སྤྱན་དྲངས་ནས།། སྔགས་དང་ཏིང་འཛིན་གཉིས་སུ་མེད་པར་བསྟིམ།། ཕྱི་ནང་གསང་བའི་མཆོད་པ་རྒྱུན་དུ་འབུལ།། བཟླས་བརྗོད
iiif viewer powered by OpenSeadragon
