| e-texts navigator |
| Wylie |
168b1 བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ།། རྣལ་འབྱོར་རྗེས་སུ་འཇུག་པ་རྣམས།། བྱིན་རླབ་གཞུང་བཞིན་གོང་ནས་འབྱུང་།། གཟུགས་བརྙན་དཀྱིལ་འཁོར་གཞུང་བཞིན་བྲི།། ཕུར་པ་བཅུ་གཅིག་སོ་སོ་ཡི།། ལོགས
168b2 ལ་ཐུགས་ཀྱི་སྙིང་པོ་བྲི།། དཔལ་ལ་ཕྲིན་ལས་གསང་སྔགས་བྲི།། སྔགས་དང་ཏིང་འཛིན་ཕྲིན་ལས་ཀྱི།། རྫས་དྲག་གསུམ་གྱིས་བྱིན་གྱིས་བརླབ།། སོ་སོའི་གནས་ནས་བཀོད་ལ་ནི།། སྤྱན་དྲང་མཆོད་བསྟོད་གཉིས་མེད
168b3 བསྟིམ།། རྟགས་དང་དངོས་གྲུབ་ནོད་པའི་ཕྱིར།། འདི་རྣམས་སྒྲུབ་ཕུར་དམ་པ་ཡིན།། ཕུར་པ་ཉི་ཤུ་གོང་བཞིན་དུ།། ལོགས་དང་དཔལ་ལ་སྙིང་པོ་བྲི།། སྔགས་དང་ཏིང་འཛིན་རྫས་དྲག་གསུམ།། བྱིན་བརླབ་སོ་སོའི
168b4 གནས་སུ་དགོད།། བྲན་དང་ཕོ་ཉ་དེ་བཞིན་དུ།། གོང་དུ་མངགས་པར་འགྲོ་བའི་ཕྱིར།། འདི་རྣམས་མངག་ཕུར་དམ་པ་ཡིན།། སེང་ལྡེང་ཕུར་པ་སོར་བརྒྱད་ལ།། ལོགས་ལ་བཛྲ་གུ་ཡ་མནྟ་བྲི།། དཔལ་ལ་ཀརྨ་གུ་ཡ་མནྟ
168b5 བྲི།། ཐུགས་ཀྱི་སྲས་མཆོག་དངོས་ལ་བསྟིམ།། མཚན་དང་ལྡན་པའི་བྷནྡྷ་རུ།། གྲུ་གསུམ་ཁ་རུ་བཞུགས་སུ་གསོལ།། ཏིང་འཛིན་སྔགས་དང་རྫས་དྲག་གསུམ།། འོག་མིན་གནས་ནས་སྤྱན་དྲང་བསྟིམ།། རྒྱུན་དུ་བསྙེན་པ
168b6 འབྲལ་མི་བྱ།། སྐུ་གསུང་ཐུགས་སུ་རྟག་པར་བསྙེན།། འདི་ནི་བསྙེན་ཕུར་དམ་པ་ཡིན།། གཞན་ཡང་རྩ་གཅིག་རྩ་བརྒྱད་དམ།། སྔགས་དང་ཏིང་འཛིན་སྙིང་པོ་བྲི།། གོང་བཞིན་གྲུ་གསུམ་མཁའ་ལ་དགོད།། ལོག་པར
iiif viewer powered by OpenSeadragon
