| e-texts navigator |
| Wylie |
167a1 ལས་ཀྱི་རྒྱལ་པོ་ཀརྨ་ཧེ་རུ་ཀས།། བཅོམ་ལྡན་འདས་བཛྲ་ཀི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀི་ལ་ཡ།། ལྷ་རྣམས་དགུག་བསྟིམ་བྱེད་གཞུག་དེ་ལགས་ན།། རྫས་དྲག་སྔགས
167a2 ཀྱི་ནུས་མཐུའི་བྱེ་བྲག་ནི།། སོ་སོའི་ནུས་མཐུ་བདེ་གཤེགས་བསྟན་དུ་གསོལ།། ཞེས་གསོལ་པ་དང་།། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། དེ་ཡི་དོན་རྣམས་ངས
167a3 བཤད་ཀྱི།། ཉུང་དཀར་རྒྱལ་པོ་རྫས་དྲག་དོན།། ཉུང་དཀར་ནང་ནས་ཟུར་བཞི་པ།། ཕྲིན་ལས་རྣམ་བཞི་རྫོགས་པའི་རྟགས།། ཕོ་མོ་གཉིས་ཀྱི་ཐོད་པ་རུ།། གོ་རོ་ཙ་ན་མ་བྲལ་བར།། ཐབས་དང་ཤེས་རབ་ཁ་སྦྱར
167a4 ལ།། བྷན་དྷའི་སྤྱི་བོ་བརྟོལ་ལ་ནི།། དེ་ཡི་ནང་དུ་ས་བཞག་ལུད།། མི་རོ་བསྲེགས་པའི་ཐལ་ཆེན་དང་།། ཉུང་དཀར་ས་བོན་གསུམ་དུ་སྦལ།། དཀྱིལ་འཁོར་རྣམ་གསུམ་རྩ་བའི་སྔགས།། བསྙེན་པ་ཞག་བདུན་བཟླས
167a5 བརྗོད་བྱ།། བརྒྱ་མཚམས་སྟོང་མཚམས་མཆོད་པ་ཡིས།། ཆུ་ལུད་དུ་ནི་བྲན་བཞིན་དབུལ།། ཏིང་འཛིན་སྔགས་དང་ཕྲིན་ལས་ཀྱིས།། ཁྱད་པར་མཆོད་པ་བདུད་རྩི་དང་།། ཕྱག་རྒྱའི་མཆོད་པ་གཞུང་བཞིན་བྱ།། འབྲས་བུ
167a6 མ་སྨིན་བར་དུ་དབུལ།། ཉུང་དཀར་ཁྱད་པར་ཐོབ་པར་འགྱུར།། ཉུང་དཀར་རྒྱལ་པོ་རྫས་དྲག་འདི།། གསང་སྔགས་བརྒྱའམ་སྟོང་ཙམ་དུ།། དམ་བཅས་ལུས་ལ་བཅངས་གྱུར་ན།། ལས་དབང་དག་ཀྱང་བཟློག་འགྱུར
iiif viewer powered by OpenSeadragon
