| e-texts navigator |
| Wylie |
166b1 གུ་ཐུལ།། འབྲུབ་ཁུང་དཀྱིལ་འཁོར་ནང་དུ་ནི།། གྲུ་གུ་བཞིན་དུ་བསྐོངས་པར་བསྒོམ།། བྱད་གཞུག་ཏིང་འཛིན་དྲག་པོ་དམ་པའོ།། གཟིར་གནོན་སྒྲ་སྨྱོའི་ཏིང་འཛིན་དྲག་པོ་ནི།། བདག་ཉིད་རྩ་བའི་ཐུགས་ཀ།
166b2 ནས།། ཛཿཧཱུཾ་བཾ་ཧོའི་ཕྱག་རྒྱ་བཞིས།། འོད་ཟེར་ཚ་ཚ་བརྡབས་བཞིན་གཟིར།། སྤྲོ་བ་སྨྲ་བ་མཚམས་མེད་པ།། ཐ་མར་མྱོས་ཤིང་ལྐུགས་པ་དང་།། ཁོང་ནས་མེ་འབར་ཁ་ནས་ཁྲག། འཕོངས་ནས་ངན་ཁྲག་འཛག་པར
166b3 བསྒོམ།། སྒྲ་སྨྱོའི་ཏིང་འཛིན་དྲག་པོ་དམ་པའོ།། གཏོགས་བྱེད་ཏིང་འཛིན་དྲག་པོ་ནི།། བདག་ཉིད་རྩ་བའི་ཐུགས་ཀ་ནས།། ཡེ་ཤེས་འོད་ཟེར་དྲག་པོ་ཡིས།། ཛཿཧཱུཾ་བཾ་ཧོའི་ཕྱག་རྒྱ་བཞིས།། ཕོ་ཉ་ཐོ་བ་ཅན་དག
166b4 ནི།། གྲངས་མེད་འོད་ཟེར་བཅས་པ་བྱུང་།། གཟས་པའི་གཟུགས་ཀྱི་ཕུང་པོ་ནི།། ལུས་ངག་རྡུལ་དུ་སོང་བར་བསམ།། གཏོགས་བྱེད་ཏིང་འཛིན་དྲག་པོའོ།། སྟོབ་བྱེད་ཏིང་འཛིན་དྲག་པོ་ནི།། བདག་ཉིད་རྩ
166b5 བའི་ཐུགས་ཀ་ནས།། སྤྲུལ་པའི་ཕོ་ཉ་བསམ་མི་ཁྱབ།། དཀྱིལ་འཁོར་རྣམ་གསུམ་དེ་བཞིན་དུ།། འོད་ཟེར་སྤྲུལ་པ་གྲངས་མེད་ཀྱིས།། གཟས་པའི་དབང་པོ་བསྡུས་པ་དང་།། ཤ་ཁྲག་རུས་འཆང་རྒྱུ་མ་གཟེར།། བསྟབ
166b6 པས་དེ་བཞིན་རོལ་པར་བསམ།། སྟོབ་བྱེད་ཏིང་འཛིན་དྲག་པོ་དམ་པའོ།། ཞེས་ཀཱི་ལ་ཡ་གསང་བའི་དགོངས་རྒྱུད་ལས།། ལྷ་དཔྲལ་དགུག་སྟིམ་ཏིང་འཛིན་གྱི་ལེའུ་སྟེ་སུམ་ཅུ་གཅིག་པའོ།། །། དེ་ནས་ཡང་ཕྲིན
iiif viewer powered by OpenSeadragon
