| e-texts navigator |
| Wylie |
164a1 མིག་གྲིབ་སྐམས་བྱས་པ་དང་།། བཟླས་ཉུང་གསུམ་དུ་བརྡེག་པ་ནི།། སྒྲ་སྦྱོར་གཞུག་པའི་རྫས་དྲག་དམ་པའོ།། ཁ་ཟམ་གྱིས་ནི་ཟོ་བ་དང་།། ཨཾ་ཀུ་ཤ་ཡིས་དཀར་ནག་དང་།། རྡོ་རྗེ་ཟོ་བས་བརྡུངས་པ
164a2 ནི།། རྟོག་བྱེད་རྫས་དྲག་དམ་པའོ།། ལོ་ཟླ་ལོན་པའི་གཏོར་མ་དང་།། ལྕགས་ཕྱེ་ཟངས་ཕྱེ་རྡོ་ཕྱེ་དང་།། ཉུང་དཀར་ཁྲག་དང་སྙིང་སྣ་ཤ། དམ་རྫས་དྲག་པོ་བསྲེག་པ་ནི།། ལིངྒ་དག་དང་སྦྱར་ལ་བསྟབ།། སྟོབ་བྱེད
164a3 རྫས་དྲག་དམ་པའོ།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། རྫས་དྲག་པོས་ལྷ་དཔྲལ་དགུག་བསྟིམ་བྱེད་གཞུག་གི་ལེའུ་སྟེ་ཉི་ཤུ་བརྒྱད་པའོ།། ། དེ་ནས་ཡང་ཀརྨ་ཧེ་རུ་ཀས།། བཛྲ་ཀི་ལ་ཡ་ལ
164a4 འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། རྫས་དྲག་དགུག་བསྟིམ་དེ་ལགས་ན།། དྲག་པོ་སྔགས་ཀྱི་དགུག་བསྟིམ་གང་།། ཞེས་གསོལ་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ
164a5 ཏོ།། ཉོན་ཅིག་ཀརྨ་ཧེ་རུ་ཀ། བླ་ཡི་དྲོད་ཚད་རབ་ཏུ་སླེབ་པ་དང་།། ལྷ་དཔྲལ་དྲག་པོའི་གསང་སྔག་བཟླས།། རྩ་བརྒྱད་རྩ་གཅིག་ལྷ་བདུན་དུ།། གསང་སྔགས་ལྷ་དཔྲལ་དམ་པའོ།། དགུག་བསྟིམ་དྲག་པོའི
164a6 གསང་སྔགས་ལ།། གོང་མ་དེ་བཞིན་དྲག་ཏུ་བཟླས།། གསང་སྔགས་དགུག་བསྟིམ་དམ་པའོ།། བྱད་གཞུག་དྲག་པོའི་གསང་སྔགས་ལ།། གོང་མ་དེ་བཞིན་དྲག་ཏུ་བཟླས།། གསང་སྔགས་བྱད་གཞུག་དམ་པའོ།། སྒྲ
iiif viewer powered by OpenSeadragon
