| e-texts navigator |
| Wylie |
163b1 ཅིག། ཕོ་ཉས་སྦྱོར་གཞུག་དམ་པའོ།། ཕོ་ཉ་དྲག་པོ་དེ་བཞིན་བསྐུལ།། དངོས་གྲུབ་བར་དུ་གཅོད་པའི་བགེགས།། གདུག་ཅིང་སྡང་སེམས་བྱེད་པ་རྣམས།། རྒྱོབ་ཅིག་གཏོགས་ཤིག་ཐལ་བར་རློགས།། ཕོ་ཉས་རྟོགས
163b2 བྱེད་དམ་པའོ།། ཕོ་ཉ་དྲག་པོ་དེ་བཞིན་བསྐུལ།། དངོས་གྲུབ་བར་དུ་གཅོད་པའི་བགེགས།། གདུག་ཅིང་སྡང་སེམས་བྱེད་པ་རྣམས།། བསྟབ་པོ་དཔལ་ཆེན་ཞལ་དུ་བསྟབ།། བསྟིམ་མོ་ཡུམ་ཆེན་དབྱིངས
163b3 སུ་སྟིམ།། འཁོར་རྣམས་རོལ་ཅིག་ཁ་རཾ་ཁཱ་ཧི།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། ལྷ་བྲལ་དགུག་སྟིམ་བྱེད་གཞུག་གི་ལེའུ་སྟེ་ཉི་ཤུ་བདུན་པའོ།། །། དེ་ནས་ཡང་ཀརྨ་ཧེ་རུ་ཀས།། འདི་སྐད
163b4 ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། ཕོ་ཉས་དགུག་བསྟིམ་དེ་ལགས་ན།། དྲག་པོ་རྫས་ཀྱི་དགུག་བསྟིམ་གང་།། ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ
163b5 སྩལ་ཏོ།། ཉོན་ཅིག་ཀརྨ་ཧེ་རུ་ཀ། བླ་ཡི་དྲོད་ཚད་རབ་སླེབ་པ།། གུ་གུལ་སྦྱར་བའི་དུད་པས་བདུག། རྫས་དྲག་ལྷ་བྲལ་དམ་པའོ།། ཉུང་དཀར་རྡོ་རྗེ་རྒྱལ་པོ་ལ།། བདུན་འབུམ་ཉི་ཁྲི་བཟླས་ཉུང་བྲབ།། དགུག་བསྟིམ
163b6 རྫས་དྲག་དམ་པའོ།། ཟངས་ཐག་མཉེན་པས་བཀྱིག་པ་དང་།། ལྕགས་སྒྲོག་དམ་པོར་གཞུག་པ་དང་།། སྔོན་དམར་རྫས་ཀྱིས་བཅིངས་པ་ནི།། རྫས་དྲག་བྱད་གཞུག་དམ་པའོ།། ཨ་ཤོག་པ་ཡི་འབྲས་བུ་དང་།། ལུག
iiif viewer powered by OpenSeadragon
