| e-texts navigator |
| Wylie |
162b1 ཀྱི།། བླ་ཆེན་རྒྱུ་བའི་དྲོད་ཚད་དག་སྦྱར་བ།། འུ་ཁམས་ཇི་ཁམས་ཤང་ཁམས་དང་།། ཀུང་ཀེག་ཁམས་ལ་སོགས་ཏེ་བླ་ཆེན་རྣམས།། བ་གླང་ཤ་བ་ལུག་དང་ཉ།། དེ་རྣམས་སོ་སོར་རྒྱུ་བར་བཤད།། གཡག་དང་ར་དང
162b2 གླ་བ་གསུམ།། དེ་རྣམས་བླ་ཆེན་ཕྱི་རུ་རྒྱུ་བར་བཤད།། དེ་ཡི་དྲོད་ཚད་དག་སྦྱར་བ།། དང་པོའི་བླ་ནི་འཁོར་ཉུལ་བ།། བར་མའི་བླ་ནི་ཁུག་པའོ།། གསུམ་པའི་བླ་ནི་བུ་ལི་དྷ་ར་ཡ།། དང་པོ་གཉིས་པ་གསུམ་པ
162b3 ཡི།། ཁུགས་མ་ཁུགས་ཀྱི་དྲོད་ཚད་སྦྱར།། གཅིག་པ་གཉིས་པའི་དྲོད་ཚད་ལ།། ལྷ་དཔྲལ་དགུག་བསྟིམ་བྱད་འཇུག་གོ།། གབ་སྦས་ཀློང་གི་མན་ངག་སྦྱར།། གསུམ་པའི་དྲོད་ཚད་རབ་བསླབ་ན།། བླ་ཕུར་བསྟསྟུན་ལ
162b4 གདབ་པར་བྱ།། དྲོད་ཚད་ཞན་ན་བཏབ་ཕན་མེད།། རབ་ཏུ་སླེབ་ན་མ་བཏབ་འཆོར།། ཁུགས་མ་ཁུགས་ཀྱི་དྲག་ཞན་དྲོད།། སྦྱར་ཏེ་དེ་བཞིན་བླ་ཕུར་གདབ།། ཞེས་ཀཱི་ལ་ཡ་གསང་བའི་དགོངས་རྒྱུད་ལས། བླ་ཆེན
162b5 རྒྱུ་བའི་དྲོད་ཚད་ཀྱི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། བླ་ཆེན་རྒྱུ་བ་དེ་ལགས་ན།། ལྷ
162b6 བྲལ་དགུག་བསྟིམ་བྱེད་གཞུག་གི། གབ་སྦས་ཀློང་གི་མན་ངག་འདི།། དེ་ཡི་དོན་རྣམས་ཇི་ལྟར་ལགས།། ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏེ།། ཉོན་ཅིག་ཀརྨ་ཧེ་རུ
iiif viewer powered by OpenSeadragon
