| e-texts navigator |
| Wylie |
15a1 ཞིག་སྨོས།། གཞན་ཡང་པདྨ་འཆང་བ་ཡི།། གསང་བའི་སྔགས་ནི་འདི་ཡིན་ནོ།། ཨཾ་ཨཱ་རོ་ལི་ཀ་ཡཱཾ།། ཕྱག་རྒྱ་གོང་མ་དེ་ཉིད་ལས།། ལག་གཉིས་རྩེ་བསྣོལ་ཕང་དུ་གཞག། ཏིང་ཛིན་ཕྱག་རྒྱ་པདྨའི
15a2 རྟེན།། པདྨ་འཆང་བའི་ཕྱག་རྒྱ་སྟེ།། སྔགས་དང་ཕྱག་རྒྱ་འདི་ཡིས་ནི།། སངས་རྒྱས་གྲགས་པ་ཆེན་པོ་ཡང་།། དབང་དུ་འགྱུར་ཏེ་ཐེ་ཚོམ་མེད།། ཁམས་གསུམ་སྐྱེ་བོ་སྨོས་ཅི་དགོས།། གཞན་ཡང་སྣ་ཚོགས་འཆང་བ
15a3 ཡི།། གསང་བའི་སྔགས་ནི་འདི་ཡིན་ནོ།། ཧཱ་པྲ་ཛྙཱ་དྷྲྀཀ་ཧཱ།། ཕྱག་རྒྱ་གོང་མ་དེ་ཉིད་ལས།། རྒྱ་གྲམ་གདེངས་པའི་ཚུལ་བྱས་ཏེ།། མི་འཇིགས་སྦྱིན་པར་བྱེད་པ་ནི།། སྣ་ཚོགས་འཆང་བའི་ཕྱག་རྒྱ་ཡིན།། སྔགས་དང
15a4 ཕྱག་རྒྱ་འདི་ཡིས་ནི།། ལས་རྣམས་ཐམས་ཅད་བྱེད་པར་འགྱུར།། མཱཾ་དྷཱ་ཏཱི་ཤྭ་རཱི།། ཐལ་མོ་ཁོང་སྟོང་སྦྱར་བ་ལས།། མཛུབ་གཉིས་གདུ་བུ་ལྟར་བྱས་ཏེ།། མཐེ་བོང་སེན་མོ་མིག་གི་ཚུལ།། གུང་མོའི་རྩེ་ལ་དྲིལ་བུ
15a5 འབར།། རྡོ་རྗེ་དབྱིངས་ཕྱུག་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས་ནི།། སངས་རྒྱས་ཐམས་ཅད་དགྱེས་པར་འགྱུར།། ལས་རྣམས་ཐམས་ཅད་འགྲུབ་པ་དང་།། ཤི་བ་སོས་པར་གདོན་མི་ཟ།། ལཱཾ་དྭེ་ཥ
15a6 ཏི།། ལག་པ་ཐལ་མོ་ཁོང་སྟོང་སྦྱར།། སྤྱི་བོའི་གཙུག་ཏུ་གཞག་བྱ་སྟེ།། ཐལ་མོའི་རྩེ་ལ་འཁོར་དྲིལ་འབར། ནམ་མཁའི་དབྱིངས་ཕྱུག་ཕྱག་རྒྱ་ཡིན།། སྔགས་དང་ཕྱག་རྒྱ་འདི་ཡིས་ནི།། དྲག་པོ་གཏུམ་པོ་ལྷན་ནེར
iiif viewer powered by OpenSeadragon
