| e-texts navigator |
| Wylie |
159b1 དང་།། དུག་ལྔའི་རྟེན་གྱི་རྫས་རྣམས་ལ།། ཡང་སྦྲུལ་རྟོད་ཅིང་ཟ་བའི་ཚུལ།། ཕྱོགས་བཞི་མཚམས་སུ་བྲི་བར་བྱ།། དར་མཚོན་སྣ་ལྔའི་འཕན་ཕྲན་གདགས།། མཆོད་པའི་ལྷ་མོ་བརྒྱད་ཀྱི་རྟགས།། སྒོ་རྣམས་དག་ལ
159b2 བྲི་བར་བྱ།། སྟོང་གསུམ་ཡེ་ཤེས་གཞལ་ཡས་ཁང་།། མཐིང་ནག་མེ་འབར་ཕུར་བུའི་ལྷ།། འོད་ཟེར་འབུམ་ཕྲག་བསམ་མི་ཁྱབ།། དེ་ལྟ་བུ་རུ་བསྐྱེད་པར་བྱ།། ཀཱི་ལ་ཡ་གསང་བའི་དགོངས་རྒྱུད་ལས། གཟུགས
159b3 བརྙན་གྱི་དཀྱིལ་འཁོར་ཀྱི་ལེའུ་སྟེ་ཤུ་གཅིག་པའོ།། །། ཡང་ཀརྨ་ཧེ་རུ་ཀས། ཀྱེ་བཅོམ་ལྡན་བཛྲ་ཀཱི་ལ་ཡ།། ཕུང་པོ་ལྷ་ཡི་དཀྱིལ་འཁོར་ཡེ་ནས་མངོན་སངས་རྒྱས།། བརྙན་མའི་དཀྱིལ་འཁོར་དེ་ཉིད་མི
159b4 འགལ་ལམ།། ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས། འདི་སྐད་ཅེས་བཀའ་སྩལ་ཏོ།། ཕྲིན་ལས་རྣམ་བཞི་གཞལ་ཡས་ཁང་།། ཡོན་ཏན་ཡིད་བཞིན་དཀྱིལ་འཁོར་འདི།། བདེ་གཤེགས་ཐུགས་རྗེ
159b5 འབྱུང་བའི་ཤུལ།། སྣང་སྲིད་འཁོར་བ་བསྒྲལ་བའི་གནས།། རྣལ་འབྱོར་དངོས་གྲུབ་ཐོབ་པའི་ས།། དགྲ་བགེགས་དབང་དུ་སྡུད་པའི་ས།། བསྐྱེད་དང་སྤྱན་དྲང་གཉིས་མེད་བསྟིམ།། མཆོད་བསྟོད་ཡན་ལག་རྫོགས
159b6 བྱས་ན།། དངོས་གྲུབ་ཅི་འདོད་ཐོབ་པར་འགྱུར།། ཀཱི་ལ་ཡ་གསང་བའི་དགོངས་རྒྱུད་ལས། གཟུགས་བརྙན་དཀྱིལ་འཁོར་གྱི་ཡོན་ཏན་བསྟན་པའི་ལེའུ་སྟེ་ཉི་ཤུ་གཉིས་པའོ།། །། དེ་ནས་ཡང་ཀརྨ་ཧེ་རུ
iiif viewer powered by OpenSeadragon
