| e-texts navigator |
| Wylie |
159a1 ཡན་ལག་མ་ཚང་བ།། དེ་ཉིད་བོར་ནས་དམྱལ་ཁམས་བཅུ་པོ་དག། ཡང་དག་དོན་དམ་གཉིས་མེད་མི་ཤེས་པས།། ད་ནི་ཐེག་ཆེན་སྦྱོར་སྒྲོལ་དངོས་པོར་བལྟ།། རྒྱུ་མཐུན་པ་ཡིས་གནོད་སྦྱིན་མཐུ་བོ
159a2 ཆེ།། མདངས་འཕྲོག་སྲོག་གཅོད་དེ་ཡི་ལས་རྫོགས་ནས།། དེ་ཉིད་བོར་ནས་དམྱལ་ཁམས་བཅུ་པོ་དག། དམ་ལོག་རྡོ་རྗེ་འཁུས་པའི་ཁོང་ཁྲོ་ཅན།། རྐྱེན་ལས་བྱུང་བའི་དམ་སྲིའི་ལུས་ལེན་དྲོད་ཉུལ་མ།། དངོས་གྲུབ
159a3 བར་དུ་གཅོད་པའི་བགེགས་བྱས་ནས།། བྲག་པར་ཕྱིར་མི་ཐོན་པའི་སྦྲུལ་དུ་སྐྱེ།། དེ་ཉིད་བོར་ནས་དམྱལ་ཁམས་བཅུ་པོ་དག། རྡོ་རྗེ་དམྱལ་བ་ཆེན་པོར་སྐྱེ་བར་འགྱུར།། ཀཱི་ལ་ཡ་གསང་བའི་དགོངས་རྒྱུད་ལས།།
159a4 སྔགས་ཀྱི་བརྟུལ་ཞུགས་ཀྱི་ལེའུ་སྟེ་ཉི་ཤུ་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། རྣལ་འབྱོར་ལས་ནི་དང་པོ
159a5 ལ།། གཟུགས་བརྙན་དཀྱིལ་འཁོར་མི་འཚལ་ལམ།། བདེ་བར་གཤེགས་པས་ལུང་བསྟན་དུ་གསོལ།། ཞེས་གསོལ་པ་དང་། ཉོན་ཅིག་ཀརྨ་ཧེ་རུ་ཀ། དེ་ཡི་དོན་རྣམས་ངས་བཤད་ཀྱི།། རྣལ་འབྱོར་རྗེས་སུ་འཇུག་པ
159a6 རྣམས།། དཀྱིལ་འཁོར་འདོམ་གང་གྲུ་བཞི་ལ།། གྲུ་གསུམ་མཐིང་ནག་དྲག་པོའི་དབུས།། ཟླ་གམ་དམར་པོ་དབང་གི་རྟེན།། ཟླུམ་པོ་དཀར་པོ་ཞི་བ་ཉིད།། སེར་པོ་གྲུ་བཞི་རྒྱས་པའོ།། བར་ཁྱམས་སྒོ་བཞི་སྒོ་ཁྱུད
iiif viewer powered by OpenSeadragon
