| e-texts navigator |
| Wylie |
156b1 མེད་ཡོན་ཏན་མ་རྟོགས་པར།། ང་རྒྱལ་དབང་གིས་བདག་ཉིད་གཅིག་པུར་བཟུང་།། ཁེངས་དྲག་དབང་གིས་སློབ་དཔོན་སྐུ་ལ་བསྔོས།། སྲི་ཞུ་ཆུང་བས་རྩ་བའི་དམ་ཚིག་ཉམས།། དཀྱིལ་འཁོར་གཅིག་པའི་རྣལ
156b2 འབྱོར་དམ་བསྲུང་ལ།། ཕྲག་དོག་དབང་གིས་བདག་བསྟོད་གཞན་ལ་སྨོད།། ཁེ་རྔམ་དབང་གིས་རས་ཆོད་འདོད་དགར་སྤྱོད།། གཞན་མཐོང་ཙམ་ན་སྙིང་ནས་སྐུར་འདེབས་ཤིང་།། གཉིས་མེད་དོན་དམ་ཟབ་མོ་རྒྱབ
156b3 ཏུ་བོར།། རྒྱུ་འབྲས་དོན་མ་རྟོགས་པས་ཞེ་སྡང་ཆེན་པོ་བསྐྱེད།། ང་ནི་ཐེག་ཆེན་ཁྲོ་བོའི་རྒྱལ་པོ་ཟེར།། སྤྱོད་པ་དཔའ་བརླངས་དང་དུ་བླངས།། ང་རྒྱལ་ཁྲོ་གཏུམ་རང་ཁར་གཏོང་།། གསང་སྔགས་ཟབ་མོའི་དོན་ལ
156b4 བོན་དུ་གྱེར།། ཐུགས་རྗེ་བྱང་ཆུབ་སེམས་དང་མི་ལྡན་པས།། ཁ་ལ་གནས་སྦྱོང་ཟེར་ཞིང་སྦྱོར་སྒྲོལ་བྱེད།། རྒྱུ་མཐུན་འབྲས་བུས་ལས་ཀྱི་སྲིན་པོར་སྐྱེས།། སྔགས་ཀྱི་བྱིན་གྱིས་བརླབས་ཀྱི་ལྷ་སྲིན་མཐུ་བོ་ཆེ།། འཇིག།
156b5 རྟེན་ཁམས་སུ་མདངས་འཕྲོག་སྲོག་བཅད་ནས།། དེ་ཡི་རྣམ་སྨིན་རྡོ་རྗེ་དམྱལ་བར་སྐྱེ།། དེ་རྣམས་རྒྱུ་མཐུན་རྣམ་སྨིན་དེ་འདྲ་བས།། གསང་སྔགས་རྡོ་རྗེའི་རྣལ་འབྱོར་དེ་མ་ཡིན།། གསང་སྔགས་རྡོ་རྗེའི་རྣལ་འབྱོར
156b6 ཡང་དག་དོན།། ད་ལྟ་ཉིད་དུ་སྐུ་གསུང་ཐུགས་འདོད་ན།། ང་ཡི་ལུང་ཟབ་འདི་ལ་ཐོས་བསམ་ན།། མུན་པའི་ནང་དུ་རིན་ཆེན་སྟོར་བ་ནི།། སྒྲོན་མེ་བཏེགས་པས་རིན་ཆེན་རྙེད་པར་འགྱུར།། ང་ཡི་ལུང་ཟབ་འདི
iiif viewer powered by OpenSeadragon
