| e-texts navigator |
| Wylie |
156a1 མའི་གནས་སླེབས་འདོད་ཆགས་རྩད་ནས་བཅད།། ཚེ་ཡི་རྟེན་དཔྲལ་གཏི་མུག་རྩད་ནས་བཅད།། ཀུན་གྱི་གནས་བཅོམ་རྟེན་འབྲེལ་གཏིང་བྱུང་ལ།། ཁབ་ལེན་རྡོ་ལ་ལྕགས་རྣམས་འདུ་བ
156a2 ལྟར།། བཀྲག་མདངས་ཕྲོགས་ནས་ཚེ་ལུང་བསྟན་པར་བྱའོ།། ཚེ་ལུང་ལ་ཡང་རྣམ་གཉིས་ཏེ།། དུག་ལྔ་གནས་སུ་དག་པ་ཡེ་ཤེས་ལྔ།། རྣམ་ཤེས་གནས་སུ་དག་པས་རྒྱལ་བའི་སྲས་སུ་བྱ།། དེ་ཀ་ཁོ་ཡི་ཚེ་ལུང་བསྟན
156a3 པ་ཞེས་བྱའོ།། ཞེས་ཀི་ལ་ཡ་གསང་བའི་དགོངས་རྒྱུད་ལས། མན་ངག་ཕུར་གཅིག་མའི་ལེའུ་སྟེ་བཅཝ་བརྒྱད་པའོ།། །། དེ་ནས་ཡང་ཀརྨ་ཧེ་རུ་ཀས།། བཅོམ་ལྡན་འདས་བཛྲ་ཀི་ལ་ཡ་ལ་འདི་སྐད་ཅེས་གསོལ
156a4 ཏོ།། ཀྱེ་བཅོམ་བཛྲ་ཀཱི་ལ་ཡ།། ཆོས་རྣམས་ཐམས་ཅད་དངོས་མེད་པས།། གསལ་བ་རྣམ་གསུམ་གསལ་བྱས་ལ།། མངོན་སྤྱོད་བསྒྲལ་བ་མི་འགལ་ལམ།། ཞེས་གསོལ་པས། བཅོམ་ལྡན་འདས་བཛྲ་ཀི་ལ་ཡས་འདི
156a5 སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། རྣལ་འབྱོར་རྗེས་སུ་འཇུག་པ་ལ།། དེ་ཡི་དོན་རྣམས་ངས་བཤད་ཀྱི།། གསང་བ་མཆོག་གི་ཕྲིན་ལས་ཟབ་མོ་ལ།། ཉོན་མོངས་ཕྱིན་ཅི་ལོག་གི་དབང་བྱས་ཏེ།། སྙིང
156a6 རྗེ་བྱང་ཆུབ་སེམས་དང་མ་ལྡན་པར།། ཞེ་སྡང་དབང་གིས་ཁྲོ་བོའི་དཀྱིལ་འཁོར་བསྐྱེད།། ཐོས་བསམ་ཤེས་རབ་གསལ་བར་མ་གྱུར་པར།། གཏི་མུག་དབང་གིས་གསང་བའི་དོན་མ་རྟོགས།། གསང་སྔགས་གཉིས
iiif viewer powered by OpenSeadragon
