| e-texts navigator |
| Wylie |
155a1 ལ་བཞུགས།། བྱང་ཆུབ་སེམས་ནི་དཀར་ལ་འཚེར།། ཡུམ་གྱི་མཁའ་ལ་གང་བར་ལུད།། ཐོགས་མེད་འོད་ཟེར་ལན་གཅིག་སྤྲོས།། རྡོ་རྗེའི་བྲག་ཆེན་གཏམས་པའོ།། གཉིས་པ་སྲས་མཆོག་གྲངས་མེད
155a2 སྤྲོས།། ཞལ་གཅིག་ཕྱག་ཀྱང་གཉིས་པ་ལ།། ཐོ་བ་གཡས་ན་ལྕགས་ཀྱུ་གཡོན།། དྲེགས་པ་ཕོ་མོ་བཟུང་ཞིང་ནི།། གསང་སྔགས་དྲག་ཏུ་བཟླས་ལ་བརྡེག། ཕྱོགས་བཞི་མཚམས་བརྒྱད་སྟེང་འོག་བཅུར།། དྲེགས་པ་སྤྱི།
155a3 ཆིངས་བསྣོལ་མར་དབབ།། གསུམ་པ་མེ་ཡི་འོད་ཟེར་སྤྲོ།། བཞི་པ་ཨ་ཡི་འོད་ཟེར་སྤྲོ།། ལྔ་པ་བཾ་གྱི་འོད་ཟེར་སྤྲོ།། དྲུག་པ་བྱང་སེམས་ཧཱུཾ་སྒྲིལ་བཅུ།། སྤྲོ་བ་ཡུམ་གྱི་མཁའ་ལ་སྤྲོ།། སྐྱེད་པ་ཡབ་ཀྱིས་བསྐྱེད
155a4 པར་བྱ།། རང་རང་གསང་སྔགས་སྐུར་རྫོགས་པའོ།། སྣང་སྲིད་ཁྲོ་བོའི་དཀྱིལ་འཁོར་ལ།། ཡང་སྦྲུལ་སུམ་སྦྲུལ་གྲངས་མེད་ཀྱིས།། རླུང་ཡང་མི་ཐར་གཏམས་པའོ།། ཡེ་ཤེས་གཉིས་མེད་སྤྱན་དྲངས་བསྟིམ།། ཀཱི་ལ
155a5 ཡ་ཡི་སྒྲ་ཆེན་ནི།། གསང་སྔགས་རབ་ཏུ་འབྲུག་སྟོང་ལྡིར།། ཁམས་གསུམ་སྲིད་གསུམ་དབང་དུ་སྡུད།། སྐྱེ་ཤི་འཁོར་བ་དབྱིངས་སུ་བསྒྲལ།། དྲེགས་པ་ཐམས་ཅད་མངོན་སྤྱོད་བསྒྲལ།། ཉོམ་མོངས་བག་ཆགས་གདར
155a6 ཤ་བཅད།། ཀཱི་ལ་ཡ་གསང་བའི་དགོངས་རྒྱུད་ལས། ཕྱོགས་བཅུ་ཁྲོ་བོའི་དཀྱིལ་འཁོར་གཏན་ལ་དབབ་པའི་ལེའུ་སྟེ་བཅུ་བདུན་པའོ།། །། དེ་ནས་ཡང་བཛྲ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀི
iiif viewer powered by OpenSeadragon
