| e-texts navigator |
| Wylie |
153b1 ཞིང་།། ནད་མེད་གནོད་པ་ཞི་བར་འགྱུར།། བུ་ལོན་ལན་ཆགས་བྲལ་བ་དང་།། ཕས་ཀྱི་རྒོལ་ཚར་ཆོད་འགྱུར།། ལོངས་སྤྱོད་འབྱོར་པ་འཕེལ་བ་དང་།། འཇིག་རྟེན་འདི་ལ་བདེ་སྐྱིད་ཚོགས།། བསམ་པ་ཐམས་ཅད
153b2 འགྲུབ་པར་འགྱུར།། འཇིག་རྟེན་པ་དང་འཇིག་རྟེན་འདས།། དངོས་གྲུབ་ཆེན་པོ་ཐོབ་པར་འགྱུར།། དེ་ལྟ་བུ་ཡི་མཆོད་པ་དེ།། ཕྱི་ཡི་མཆོད་པ་དམ་པའོ།། ཀཱི་ལ་ཡ་གསང་བའི་དགོངས་རྒྱུད་ལས། ཕྱི་ནང་གསང་བའི
153b3 མཆོད་པ་བསྟན་པའི་ལེའུ་སྟེ་བཅཝ་ལྔ་པའོ།། །། དེ་ནས་ཡང་ལས་ཀྱི་རྒྱལ་པོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀི་ལ་ཡ།། དཔྱང་ཟག་ཆད
153b4 པའི་ངན་ཁུང་འཁོར་བ་ལ།། ཐུགས་རྗེས་བཟུང་ནས་རྫུ་འཕྲུལ་བསྟན་པ་འདི།། འདི་ལྟ་བུ་ཡི་རྫུ་འཕྲུལ་ངོ་མཚར་ཆེ།། འདི་ཡི་རྗེས་སུ་བསྒྲུབ་པའི་རྣལ་འབྱོར་པས།། ལུང་བདུན་བསྐྱེད་པའི་དོན་ནི་ཇི་ལྟར
153b5 ལགས།། བདེ་བར་གཤེགས་པས་ལུང་བསྟན་དུ་གསོལ།། ཞེས་གསོལ་པ་དང་། དེ་ནས་ཡང་བཛྲ་ཀཱི་ལ་ཡས་འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། ང་ཡི་རྗེས་སུ་སྒྲུབ་པའི་རྣལ་འབྱོར་པས།། དང་པོ
153b6 ཀུན་གཞི་སྟོང་པ་ཉིད།། རྡོ་རྗེ་ཁྲོས་པས་ཞེ་སྡང་གཅོད།། ཐུགས་ནི་ཡང་དག་རྡོ་རྗེ་ཉིད།། སྟོང་པ་ཉིད་ཀྱི་ཡེ་ཤེས་ནི།། རྣམ་པར་མི་རྟོག་པ་ལས་འདས།། དེ་བཞིན་ཉིད་དུ་བསྒོམ་པར་བྱ།། དེ་རྗེས་མཚོན་པའི་རྒྱུ
iiif viewer powered by OpenSeadragon
