| e-texts navigator |
| Wylie |
152b1 མྲྀ་ཏ་ཧྲཱི་ཧཱུཾ་ཐ་ཞེས་བརྗོད་པས།། དཀར་འཚེར་བྱང་ཆུབ་སེམས་སུ་གྱུར།། ཡེ་ཤེས་ལྔ་རྫོགས་གྲུབ་པའི་རྫས།། བདེན་པའི་སྔགས་དང་བྱིན་བརླབས་རྫས།། ནུས་མཐུ་ངེས་པར་འབྱུང་བར་འགྱུར།། མཉམ་པའི་གྲུབ་རྫས
152b2 ཆེན་པོ་དག། འཁོར་གསུམ་ཡོངས་སུ་དག་པར་བསྔོ།། བདག་དང་མཉམ་པའི་ཚོགས་ལ་འབུལ།། གང་དང་གང་གིས་ཕུལ་མཆོད་ན།། རིགས་ལྔའི་དངོས་གྲུབ་ཐོབ་པར་ངེས།། རྡོ་རྗེའི་རིགས་ལ་སོགས་པ་ཡི།། རིགས
152b3 ལྔའི་དངོས་གྲུབ་ཐོབ་པར་འགྱུར།། ནང་མཆོད་རྨད་དུ་བྱུང་བའོ།། ཕྱི་མ་མཆོད་རྨད་དུ་བྱུང་བ་ནི།། བདག་ཉིད་ལྷ་ཡི་སྐུར་བསྒོམས་ལ།། རིན་པོ་ཆེ་ཡི་སྣོད་དག་ཏུ།། འཚོ་བའི་ཟས་རིགས་ཅི་ཡང་རུང་།། འོག་ཏུ་ཡི་གེ་ཡཾ
152b4 བསམས་ལ།། རླུང་གི་དཀྱིལ་འཁོར་གཞུ་ལྟ་བུས།། རྒྱ་གྲམ་བ་དན་ཕྱར་པའོ།། རླུང་གི་ས་བོན་འཁྲིགས་པར་བསམ།། དེ་སྟེང་རཾ་ལས་མེའི་དཀྱིལ་འཁོར།། ཁ་དོག་དམར་པོ་འབར་བ་ལ།། མེ་ཡིས་ས་བོན་འཁྲིགས
152b5 པར་བསམ།། དེ་སྟེང་ཨོཾ་ཨཱཿཧཱུཾ་སྭཱ་ཧཱ་ལྔ།། སྥ་ར་ཎ་ཕཊ་ཀྱིས་རླུང་གཡོས་པས།། མེ་སྦར་ཐམས་ཅད་དངོས་པོ་བསྲེགས།། ཧཱུཾ་ཉིད་དཀར་པོར་ཡོངས་སུ་གྱུར།། རྡོ་རྗེ་དཀར་པོ་གཅིག་གྱུར་ཏེ།། རྫས་ཀྱི་སྐྱོན་རྣམས་དག
152b6 པར་གྱུར།། དེ་ནས་ཨ་དཀར་གཅིག་ཏུ་གྱུར།། ཨ་ལས་འོད་ཟེར་སྤྲོས་པས་ནི།། སོ་སོའི་གནས་རྣམས་རིན་ཆེན་ཁང་།། དེ་དག་བྱིན་གྱིས་བརླབ་པར་བྱ།། རི་བོ་ཕང་ཕུང་རིན་ཆེན་ཕུང་པོར་བརླབ།། ཆུ་རྣམས་བདུད
iiif viewer powered by OpenSeadragon
