| e-texts navigator |
| Wylie |
152a1 བའི་ཐབས།། གཉིས་སུ་མེད་པར་བསྒྲལ་བར་བྱ།། གནས་ནི་ཡབ་ཡུམ་མཁའ་ལ་འཕང་།། གཉིས་མེད་བྱང་ཆུབ་སེམས་ཀྱི་དབང་བསྐུར་ཕྱིར།། འཁྲིལ་བའི་མཆོད་ཆེན་མཉམ་སྦྱོར་བས།། བསྒྲལ་བའི
152a2 རྣམ་ཤེས་ཧཱུཾ་གསལ་བསྒོམ།། ཡཾ་ལས་རླུང་གི་དཀྱིལ་འཁོར་བཏེག། ཛ་ཡི་ལྕགས་ཀྱུས་དགུག་བསྟིམ་བྱ། བདག་གི་ཐུགས་ནས་ཁར་བཏོན་ལ།། ཤངས་ཀྱི་རླུང་སྒྲོམ་དུང་ཁང་ནང་།། སྐུ་གསུང་ཐུགས་ཀྱི་དབང་བསྐུར
152a3 བྱ།། སྐལ་ཚིགས་རྟ་བརྒྱད་རྡོ་རྗེའི་ལམ།། ཡུམ་གྱི་གསང་བའི་མཁའ་ལ་སྤྲོས།། བདེ་གཤེགས་དཀྱིལ་འཁོར་བསྐྱེད་པར་བྱའོ།། ཡུམ་གྱི་མཁའ་གསང་དཀྱིལ་འཁོར་ལས།། སྤྲོས་པས་ཕྱོགས་བཅུའི་རྒྱལ་བ
152a4 མཆོད།། བསྡུས་པས་བདག་གི་ཐུགས་ཀར་ཐིམ།། སྐུ་དང་གསུང་དང་ཐུགས་གསུམ་དུ།། གནས་ནས་ཐིམ་ནས་རྡོ་རྗེའི་ལམ།། ཡུམ་གྱི་མཁའ་ལ་གང་བར་སྤྲོས།། ཡུམ་གྱི་མཁའ་གསང་དཀྱིལ་འཁོར་ལས།། རྒྱལ་བ
152a5 མཆོད་ཅིང་བདག་མཆོད་ལ།། དེ་ནས་མགལ་མེ་བསྐོར་བ་བཞིན།། ཡང་ནས་ཡང་དུ་སྤྲོ་བསྡུས་མཆོད།། བདག་ཉིད་མཉེས་པས་ཐམས་ཅད་མཉེས།། གསང་མཆོད་རྨད་དུ་བྱུང་ཞེས་པའོ།། ནང་མཆོད་རྨད་དུ་བྱུང་བ
152a6 ནི།། མཚན་དང་ལྡན་པའི་བྷནྡ་ལྔར།། དྲི་ཆེན་དྲི་ཆུ་རཀྟ་དང་།། མཱཾ་ས་བྱང་ཆུབ་སེམས་བཀོད་ལ།། དཔའ་བོ་འབྲུ་ལྔའི་འཕྲོ་འདུ་ཡིས།། སོ་སོའི་བཅུད་བསྡུས་ཕྱོགས་ཕྱོགས་བསྟིམ།། ཐིམ་པས་འོད་དུ་ཞུ་བ་ལས།། ཨོཾ་ཨ
iiif viewer powered by OpenSeadragon
