| e-texts navigator |
| Wylie |
151b1 ཉིད།། སྟོང་པ་ཉིད་ཀྱི་ཆོ་འཕྲུལ་ནི།། འགྲོ་བའི་དོན་ལ་དེ་བཞིན་གནས།། སྤྱན་དྲང་མཆོད་བསྟོད་བྱ་རུ་མེད།། ལྷངས་ཀྱིས་རྟོགས་ན་སྤྱན་དྲང་ཡིན།། གཉིས་སུ་མེད་ན་མཆོད་པ་ཡིན།། དེ་ཉིད་གུས་བརྩོན་བསྟོད་པ
151b2 ཡིན།། ཏིང་འཛིན་མི་གཏོང་སངས་རྒྱས་ཡིན།། སངས་རྒྱས་གཞན་ནས་བཙལ་དུ་མེད།། ཅེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད
151b3 ལས།། ལུས་དངོས་པོར་བལྟ་བ་གནས་སུ་དག་པར་བྱ་བ་དང་།། གདུག་པ་ཅན་བཏུལ་བའི་ལེའུ་སྟེ་བཅུ་བཞི་པའོ།། །། དེ་ནས་ཡང་ཀརྨ་ཧེ་རུ་ཀས།། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ
151b4 ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། ཕྱོགས་བཅུའི་སངས་རྒྱས་ཐམས་ཅད་ལ།། མཆོད་བྱིན་མཆོད་པ་མི་འཚལ་ལམ།། ཕྱི་མཆོད་ནང་མཆོད་གསང་མཆོད་གསུམ།། འདི་ཡི་དོན་རྣམས་ཇི་ལྟར་ལགས།། ཞེས་གསོལ་པ
151b5 དང་།། བཅོམ་ལྡན་བཛྲ་ཀི་ལ་ཡས་འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། ཕྱི་མཆོད་ནང་མཆོད་གསང་མཆོད་གསུམ།། རྨད་དུ་བྱུང་བའི་མཆོད་སྦྱིན་ཞེས།། ཐོག་མར་བདག་ཉིད་རྟོགས་གོམས
151b6 བསྒྲལ།། ཏིང་འཛིན་བརྟན་པ་ཐོབ་ནས་ནི།། དེ་ནས་གཉིས་མེད་བློ་ཡིས་ནི།། བློ་ངན་སེམས་ཅན་སྙིང་རེ་རྗེ།། ཞིང་བཅུ་རྒྱུ་འབྲས་མི་ཤེས་པ།། བློ་ངན་འཇིག་རྟེན་ཡུན་དུ་འཁོར།། སྙིང་རྗེས་བཟུང་ཞིང་བསྒྲལ
iiif viewer powered by OpenSeadragon
