| e-texts navigator |
| Wylie |
14a1 མ།། སྡིག་པ་མི་དགེའི་ལས་རྣམས་འཇོམས་མཛད་པ།། བདག་ཏུ་འཛིན་པས་གནས་འགྱུར་ལྷ་མོ་ཉི་ཟླ་སྤྱན་གྱི་སྐུ།། མཚན་མ་མེད་པའི་དབྱིངས་ལས་མ་གཡོས་ཀྱང་།། མཚན་མའི་སྐུ་མཆོག་བཏང
14a2 སྙོམས་ཚུལ་འཛིན་ཅིང་།། གསུང་སྙན་བདེ་གཤེགས་དགྱེས་པ་བསྐྱེད་མཛད་དེ།། མཚན་མར་འཛིན་པའི་གནས་འགྱུར་ལྷ་མོ་ཐལ་བྱེད་མ་ཡི་སྐུ།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། ལྷ
14a3 རྣམས་ཀྱི་ཡོན་ཏན་དང་བྱུང་ཁུངས་དང་དངོས་གཞི་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་རྡོ་རྗེ་འཛིན་པའི་རྒྱལ་པོས་འདི་སྐད་ཅེས་གསོལ་ཏོ།། ཨེ་མ་གསང་བ་མཆོག་གི་སྐུ།། སངས་རྒྱས་ཡང
14a4 གྱུར་དམ་པའི་བདག། བདེ་གཤེགས་ཀུན་གྱི་སྔགས་དང་ཕྱག་རྒྱ་རྣམས།། ཀུན་མཁྱེན་ཁྱོད་ཀྱིས་བཤད་དུ་གསོལ།། ཞེས་གསོལ་པས་ཐུགས་སུ་ཆུད་དེ། སྔགས་དང་ཕྱག་རྒྱ་རྣམ་པར་སྤྲོས་པ་ཞེས་བྱ་བའི་ཏིང་ངེ
14a5 འཛིན་ལ་སྙོམས་པར་ཞུགས་ནས། བཅོམ་ལྡན་འདས་ཀྱིས་འདི་སྐད་ཅེས་གསུངས་སོ།། སྤྱིར་ནི་རྡོ་རྗེ་འཛིན་རྒྱལ་པོ།། ཡིད་ཀྱི་བསམ་པ་ཏིང་འཛིན་ཏེ།། ངག་ཏུ
14a6 བརྗོད་པ་སྙིང་པོའི་མཆོག། བསྐུལ་བསྐྱོད་ཐམས་ཅད་ཕྱག་རྒྱ་སྟེ།། སྤྱོད་ཡུལ་ཀུན་ཏུ་དཀྱིལ་འཁོར་ཡིན།། ཞེས་གསུངས་སོ།། དེ་ལྟར་རྟོགས་ན་འདི་མི་དགོས།། མ་རྟོགས་པ་ལ་འདི་དགོས་པས།། ཕྱག་རྒྱ་བཅའ
iiif viewer powered by OpenSeadragon
