| e-texts navigator |
| Wylie |
149b1 བཞུགས།། ཕྲ་ཐབས་ཉི་ཤུའི་སྐུ་མདོག་ནི།། གཡས་གཡོན་རིགས་དང་སྦྱར་བར་བྱ།། ཕྲ་ཐབས་ཉི་ཤུའི་ཕྱག་རྒྱ་ནི།། གཙོ་བོ་རྣམས་ཀྱི་བར་མ་བྱིན།། ཤར་གྱི་སྒོ་མ་ལྕགས་སྐུ་མདོག་དཀར།། ལྷོ་ཡི་སྒོམ་ཞགས་པ་སྐུ
149b2 མདོག་སྔོ།། ནུབ་ཀྱི་སྒོ་མ་ལྕགས་སྒྲོག་སྐུ་མདོག་དམར།། བྱང་གི་སྒོ་མ་དྲིལ་བུ་སྐུ་མདོག་ལྡང་།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་ཀཱི་ལ་ཡ་གསང་བའི་དགོངས་རྒྱུད་ལས། སྐུ་མདོག་དང
149b3 ཕྱག་མཚན་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ།། འདི་སྐད་ཅེས་གསོལ་ཏོ།། ཀྱེ་བཅོམ་ལྡན་འདས་བཛྲ་ཀི་ལ་ཡ།། ལུས་འདི་དངོས་པོར
149b4 བལྟ་བ་ལ།། དངོས་པོ་གཞི་ལ་ན་ཇི་ལྟར་ལགས།། ཐུགས་ཉིད་ཡེ་ནས་མ་བཅོས་ཉིད།། གདུག་པ་འདུལ་བའི་སྐུར་བསྟན་པ།། བསྐྱེད་པའི་རིམ་པ་ཇི་ལྟར་ལགས།། ཞེས་གསོལ་པ་དང་།། བཅོམ་ལྡན་འདས་བཛྲ་ཀི
149b5 ལ་ཡས་འདི་སྐད་ཅེས་གསུངས་སོ།། ཉོན་ཅིག་ཀརྨ་ཧེ་རུ་ཀ། ལུས་འདི་དངོས་པོར་འཛིན་པ་ལ།། བདེ་གཤེགས་དཀྱིལ་འཁོར་བསྐྱེད་པར་བྱ།། གཡེང་བའི་སེམས་ཅན་དོན་དུ་བསྡུ།། བདེ་གཤེགས་དཀྱིལ་འཁོར་ལུས
149b6 ལ་བསྐྱེད།། ཕུང་པོ་ལྔ་ནི་གནས་སུ་དག། གཟུགས་ཀྱི་ཕུང་པོ་གནས་སུ་དག་པའི་ཕྱིར།། ནམ་མཁའི་རྩ་ལ་བུདྡྷ་ཧེ་རུ་བསྐྱེད།། རྣམ་ཤེས་ཕུང་པོ་གནས་སུ་དག་པའི་ཕྱིར།། ས་ཡི་རྩ་ལ་བཛྲ་ཧེ་རུ་བསྐྱེད།། ཚོར་བའི་ཕུང་པོ
iiif viewer powered by OpenSeadragon
