| e-texts navigator |
| Wylie |
147b1 དབུས་མཐིང་ནག། སྒེག་པ་དཔའ་བ་འཇིགས་སུ་རུང་བ་དང་།། རྒོད་དང་གཤེ་དང་འཇིགས་པར་བྱེད་པ་དང་།། སྙིང་རྗེ་རྔམས་དང་ཞི་བ་ལ་སོགས་པ།། སྐུ་ཡི་དངོས་པོ་ཤིན་ཏུ་བསྒྱུར་བ་ཡིས།། བདུད་བཞི་གཏན་ནས
147b2 འཇོམས་པས་དཔའ་དཔའ་འདྲ།། རྒྱན་དང་ཆ་ལུགས་ལྡན་པས་སྒེག་སྒེག་འདྲ།། སྐུ་ཆེ་ཡན་ལག་རགས་པས་འཇིགས་འཇིགས་འདྲ།། ཞལ་གཡས་དཀར་ལ་བཞད་པས་རྒོད་རྒོད་འདྲ།། ཞལ་གཡོན་དམར་ལ་གདངས
147b3 པས་གཤེ་གཤེ་འདྲ།། ཞལ་དབུས་མཐིང་ལ་གནག་པས་ཁྲོ་ཁྲོ་འདྲ།། ཞལ་ནས་གདུག་རྩུབ་འབྱིན་པས་རྔམ་རྔམ་འདྲ།། རྒྱུད་དྲུག་ཐུགས་རྗེས་འཛིན་པས་སྙིང་རྗེ་ཆེ་ཆེ་འདྲ།། ཆོས་སྐུ་མཚན་མ་མེད་པས་ཞི་ཞི་འདྲ།། དེ
147b4 འདྲའི་ཁྲོ་བོ་འཇིགས་སྐུ་གཤེགས་སུ་གསོལ།། དེ་འདྲའི་ཁྲོ་བོ་འཇིགས་སྐུ་གཤེགས་ནས་ཀྱང་།། རྟགས་དང་མཚན་མ་བསྟན་པའི་ཕྱིར།། རྡོ་རྗེ་རྩེ་དགུས་ས་དགུའི་རྟོག་པ་འཇོམས།། རྡོ་རྗེ་རྩེ་ལྔས་རྒྱུད་ལྔའི་རྟོག་པ
147b5 སྒྲོལ།། མེ་དཔུང་འབར་བས་ཁམས་གསུམ་ཉོན་མོངས་བསྲེག། ཁ་ཊྭཱཾ་རྩེ་གསུམ་དུག་གསུམ་རྩད་ནས་གཅོད།། རི་རབ་ཕུར་བུས་ཁམས་གསུམ་དབང་དུ་སྡུད།། འཁོར་ལོ་རྒྱས་འདེབས་ཆོས་ཀྱི་དབྱིངས།། གཡས
147b6 པ་ཐབས་ཀྱིས་གཙོ་ལ་འཁྱུད།། གཡོན་པ་དུང་དམར་གཙོ་ལ་སྟོབ།། གཙོ་ལ་འཁྲིལ་བའི་ཚུལ་དུ་གནས།། ཁྲོ་བོ་ཆེན་པོ་ཧཱུཾ་ཀ་ར།། དབུ་གསུམ་ཕྱག་ཀྱང་དྲུག་པ་སྟེ།། གཡས་དཀར་གཡོན་དམར་དབུས་སྔོན་ཞལ།། ཕྱག
iiif viewer powered by OpenSeadragon
