| e-texts navigator |
| Wylie |
144b1 བཅས།། གཡོན་པས་ཕུར་པ་བཅངས་ནས་སུ།། བརྐྱང་བསྐུམ་བགྲད་ནས་ཁྲོ་ཚུལ་གནས།། སྤྱན་བཟློག་མཚེ་གཙིགས་ཞལ་ཡང་གཉེར།། ཀུ་མཱ་ར་ཡི་ཕྱག་རྒྱ་ཡིན།། རྩ་བའི་སྔགས་ནི་དྲག་ཏུ་བཟླས།། ལས་སྔགས
144b2 ཞབས་ལ་བཏགས་པས་ནི།། མ་མོ་མཁའ་འགྲོ་དབང་དུ་སྡུད།། ལྷ་སྲིན་སྡེ་བརྒྱད་བྲན་དུ་འཁོལ།། སྲིད་པ་གསུམ་ཡང་ཟིལ་གྱིས་གནོན།། ཕན་གནོན་སྨོན་ལམ་འགྱུར་ཤོག་འགྲུབ།། འཁོར་ལོ་རྒྱས་འདེབས་ཕྱག་རྒྱ
144b3 ནི།། གཡས་པ་ཐབས་ཀྱིས་གཙོ་ལ་འཁྱུད།། གཡོན་པ་དུང་དམར་གཙོ་ལ་སྟོབ།། འཁྲིལ་བའི་ཚུལ་གྱིས་སྟངས་སྟབས་མཛད།། ཡུམ་གྱི་གསང་སྔགས་དྲག་ཏུ་བཟླས།། བདེ་བར་གཤེགས་པ་ཐམས་ཅད་མཉེས།། དངོས
144b4 གྲུབ་ཆེན་པོ་ཐོབ་པར་ངེས།། གཡས་པ་དོར་ཞིང་གཡོན་པ་བགྲད།། ལག་གཡས་སྟ་རེ་གྱེན་དུ་ཕྱར།། གཡོན་པ་ཕུར་བུ་འདེབས་པའི་ཚུལ།། གཟུགས་ཕུང་གཅུ་ཞིང་ཟུར་མིག་བལྟ།། སྤྱན་བཟློག་མཆེ་བ་གཙིགས་ནས
144b5 ནི།། གསང་སྔགས་དྲག་པོ་བཟླས་པ་ནི།། སྲས་མཆོག་ཕུར་པའི་ཕྱག་རྒྱ་ཡིན།། སངས་རྒྱས་ཉིད་ཀྱང་བརྒྱལ་བར་འགྱུར།། དགྲ་བགེགས་གཞན་ལྟ་སྨོས་ཅི་དགོས།། གཡོན་པ་མཛུབ་བསྒྲེང་སྙིང་གར་གཏད།། གཡས
144b6 པ་ཐལ་མོ་གྱེན་དུ་བསྒྲེང་།། གཟུགས་ཕུང་གཅུ་ཞིང་བརྐྱང་བསྐུམ་བགྲད།། ཧཱུཾ་ཀཱ་ར་ཡི་ཕྱག་རྒྱ་ཡིན།། གསང་སྔགས་དྲག་ཏུ་བཟླས་པས་ནི།། དགྲ་བགེགས་གཞན་ལྟ་སྨོས་ཅི་དགོས།། སྲིད་གསུམ་མ་ལུས་དབང
iiif viewer powered by OpenSeadragon
