| e-texts navigator |
| Wylie |
144a1 རྣལ་འབྱོར་རྟོགས་ལྡན་དམ་པ་དེས།། ལས་སུ་བྱ་བ་ཀུན་རྫོགས་ནས།། འཛབ་ཟློས་གྲངས་མེད་རྒྱུན་འདོན་པས།། སྔགས་དང་ཕྱག་རྒྱ་མཐུ་བྱིན་ཆེ།། ལས་དང་བྱ་བ་གདོན་མི་ཟ།། ངེས་པར་བརྩམས
144a2 པས་ཅི་འདོད་འགྲུབ།། ལས་སུ་གཏོར་མ་གཞུང་སྲོང་ཞིང་།། ཅི་བགྱིས་བཀའ་ཉན་འཁོལ་མཁས་པས།། ཅི་བགོལ་ཕྲིན་ལས་སྒྲུབ་པར་བྱེད།། དྲག་ཤུལ་ཐབས་ཀྱི་ཕོ་ཉ་ནི།། རྫུ་འཕྲུལ་ཕྲིན་ལས་ཤུགས་ཀྱིས
144a3 འགྱེད།། རྣམ་རྟོག་མཚན་མ་ཐབས་ཀྱིས་འཇོམས།། དེ་ལྟར་བྱས་ན་འགྲུབ་པར་འགྱུར།། ཤེས་པའི་ནང་ན་དམ་པ་ནི།། རྒྱུད་འགྲེལ་བློ་ཞེན་སྒྲུབ་ལ་ཞུགས།། ཡི་དམ་ལྷ་ལ་རྟག་གནས་པས།། དེ་ལ་རས་ཆོད་འབྱུང་མི
144a4 སྲིད།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས། གསང་བའི་སྔགས་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཀརྨ་ཧེ་རུ་ཀས་བཅོམ
144a5 ལྡན་འདས་བཛྲ་ཀཱི་ལ་ཡ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་ཁྲག་འཐུང་བཛྲ་ཀཱི་ལ་ཡ།། ཕྱག་རྒྱའི་བྱིན་རླབས་ཡོན་ཏན་དང་།། སྔགས་ཟློས་ཕྱག་རྒྱ་ཇི་ལྟར་ལགས།། ངེས་པའི་དོན་རྣམས་ཇི་ལྟར་འགྲུབ།། གསང
144a6 བའི་བདག་པོས་བསྟན་དུ་གསོལ།། ཞེས་གསོལ་པ་དང་།། བཛྲ་ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ། ཁྲོ་བོ་རྣམས་ཀྱི་ཕྱག་རྒྱ་དང་།། ཕྱག་རྒྱའི་ཡོན་ཏན་བཤད་པ་ནི།། ལག་གཡས་རྡོ་རྗེའི་ཕྱག་རྒྱར
iiif viewer powered by OpenSeadragon
