| e-texts navigator |
| Wylie |
143b1 པས།། གང་ལ་བསམ་པ་མི་འགྲུབ་ཅིང་།། བར་དུ་སྲོག་ལ་བར་ཆད་འབྱུང་།། དེ་ནས་རྡོ་རྗེ་དམྱལ་བར་ལྟུང་།། དེ་ལྟ་བུ་ནི་མ་ཡིན་ཏེ།། མང་དུ་ཟོས་ལ་ལས་ལ་མཁས།། རྒྱུད་འགྲེལ་བློ་ཞེན་སྒྲུབ་ལ་ཞུགས།། གདེང་ཅན
143b2 ལྡོག་མེད་སེམས་དང་ལྡན།། ཕྲག་དོག་མེད་ཅིང་ཁོང་ཁྲོ་མེད།། གཞན་ལ་རེ་བ་མི་འཇོག་ཅིང་།། རྩ་བ་ཡན་ལག་དམ་ཚིག་རྣམས།། མ་ཉམས་ངེས་ཐུབ་གཞུང་བཞིན་བསྲུང་།། དེ་ལྟ་བུ་ཡི་རྣལ་འབྱོར་དེས།། ལས་སུ
143b3 བྱ་བ་ཐམས་ཅད་འགྲུབ།། དང་པོར་ཤེས་རབ་རྣམ་གསུམ་གྱིས།། གཏན་ཚིགས་དོན་ལ་ཡིད་ཆེས་ནས།། དེ་ནས་དབང་གསུམ་རྫོགས་པ་དང་།། སྙིང་རྗེའི་སེམས་དང་ལྡན་པ་ཡིས།། ཁམས་གསུམ་འཁོར་བ་གཟུང་བར
143b4 བྱའོ།། སྦྱོར་སྒྲོལ་མ་བྱིན་ལེན་པ་དང་།། རྫུན་ཚིག་བརླང་པོ་སྤྱད་པར་བྱ།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་མི་སྤང་ངོ་།། དྲི་ཆེན་དྲི་ཆུ་རཀྟ་དང་།། ཟིལ་པ་མཱཾ་ས་དང་དུ་བླང་།། ཕུང་པོ་ལྷ་དང
143b5 གཉིས་སུ་མེད།། སེམས་ནི་ཆོས་ཉིད་ངང་དུ་གནས།། ཐེག་པ་བསམ་ཡས་སེམས་ལ་གསལ།། ལྟ་བ་མི་འགྱུར་གདེང་དུ་འཇོག། སྒོམ་པ་མ་ཡེངས་དོན་རབ་གསལ།། དམ་ཚིག་ཉན་ཐོས་ཁྲིམས་བཞིན་བསྲུངས།། རྒྱུད
143b6 འགྲེལ་སྒྲུབ་ཐབས་ཀུན་ལ་མཁས།། རྫས་དང་ལག་ཆ་རྟག་ཏུ་འཆང་།། དོན་དང་མན་ངག་གཞུང་དུ་བསྒྲུབ།། ཐ་མ་ཕྱོགས་རབ་འཛིན་ལ་མཁས།། ཚུལ་དང་ངང་ཚུལ་བཟང་ལ་ཤིས།། སྦྱོར་སྒྲོལ་མཆོད་པ་རྒྱུན་མི་གཅོད།།
iiif viewer powered by OpenSeadragon
