| e-texts navigator |
| Wylie |
13b1 གཤིན་རྗེ་གཤེད་དུ་བསྟན།། འཆི་བདག་གཤིན་རྗེ་ཐབས་ཀྱིས་འདུལ་མཛད་པ།། རེག་པ་གནས་འགྱུར་གཤིན་རྗེ་གཤེད་ཀྱི་སྐུ།། ཐུགས་ཉིད་ཞི་བའི་ངང་ལས་མ་གཡོས་ཀྱང་།། འཇིགས་པའི་སྐུ་མཆོག་སྟོབས་པོ
13b2 རུ་བསྟན།། གདོས་བཅས་ཕུང་པོའི་བདུད་རྣམས་འཇོམས་མཛད་པ།། རེག་བྱ་གནས་འགྱུར་སྟོབས་པོ་ཆེ་རུ་བསྟན།། ཐུགས་མཆོག་ཞི་བའི་ངང་ལས་མ་གཡོས་ཀྱང་།། འཇིགས་པའི་སྐུ་མཆོག་རྟ་མཆོག་དཔལ་དུ
13b3 བསྟན།། འཁོར་བའི་ཉོན་མོངས་བདུད་དཔུང་རླག་པར་བྱེད།། རེག་བྱེད་གནས་འགྱུར་ཆེ་མཆོག་རོལ་པའི་སྐུ།། ཐུགས་དམ་ཞི་བའི་ངང་ལས་མ་གཡོས་ཀྱང་།། འཇིགས་པའི་སྐུ་མཆོག་བདུད་རྩི་འཁྱིལ་པར
13b4 བསྟན།། ལྷ་བདུད་ཆེན་པོའི་ཚོགས་རྣམས་འཇོམས་མཛད་པ།། རེག་བྱ་གནས་འགྱུར་བདུད་རྩི་འཁྱིལ་པའི་སྐུ།། མཚན་མ་མེད་པའི་ངང་ལས་མ་གཡོས་ཀྱང་།། མཚན་མའི་སྐུ་མཆོག་སྙིང་རྗེའི་ཚུལ་འཛིན
13b5 མ།། འཁོར་བའི་སེམས་ཅན་བླ་མེད་གནས་སུ་འདྲེན་མཛད་པ།། རྟག་པ་གནས་འགྱུར་ལྷ་མོ་རྟ་གདོང་ལྕགས་ཀྱུ་མ་ཡི་སྐུ།། མཚན་མ་མེད་པའི་དབྱིངས་ལས་མ་གཡོས་ཀྱང་།། མཚན་མའི་སྐུ་མཆོག་བྱམས་པའི་ཚུལ
13b6 ཛིན་པས།། འཁོར་བའི་བག་ཆགས་མ་ལུས་འཆིང་བར་མཛད།། ཆད་པ་གནས་འགྱུར་ལྷ་མོ་ཕག་གདོང་མ་ཡི་སྐྲ།། མཚན་མ་མེད་པའི་དབྱིངས་ལས་མ་གཡོས་ཀྱང་།། མཚན་མའི་སྐུ་མཆོག་དགའ་བའི་ཚུལ་འཛིན
iiif viewer powered by OpenSeadragon
