| e-texts navigator |
| Wylie |
139b1 པའི་རྒྱུ།། འདོད་ཆགས་རྩད་ནས་གཅད་པའི་ཕྱིར།། ཕོ་མཚན་དཀྱིལ་དུ་སྲས་མཆོག་གཅིག། ཞེ་སྡང་རྩད་ནས་གཅད་པའི་ཕྱིར།། སྙིང་གི་དཀྱིལ་དུ་སྲས་མཆོག་གཅིག། སྲིད་གསུམ་རྩད་ནས་གཅད་པའི་ཕྱིར།། རྩེ་ཆེན
139b2 གསུམ་ལ་སྲས་མཆོག་གསུམ།། དབང་པོའི་དངས་མ་མགོ་ཡིན་པས།། ཁྲོ་བོ་མཚོན་ཆའི་ཆར་ཕབ་ལ།། སྤྱི་བོའི་གཙུག་ཏུ་སྲས་མཆོག་གཅིག། མཐུ་དང་རྫུ་འཕྲུལ་འཕྲོག་པའི་ཕྱིར།། སྤྱི་བོའི་གཙུག་ནས་རྐང་མཐིལ
139b3 དུ།། སྲས་མཆོག་ཕུར་པ་ཕྱུང་ལ་ནི།། ཁམས་གསུམ་བསྒྲལ་བའི་མཆོད་པ་བྱའོ།། སྲན་ཙམ་འོད་ནག་དཀྱིལ་དུ་ནི།། ཁྲག་གི་ནརྀ་ནི་ཏིལ་འབྲུ་ཙམ།། གནད་ས་དེ་རུ་ཀུན་ཁྱབ་པས།། ཀུན་ལ་དེ་གཞིན་དམིགས་ལ
139b4 གདབ།། གནད་སར་བཏབ་པ་རེ་རེ་ལ།། ཚེ་ལུང་ཁྲུས་ལུང་རྫོགས་པ་རེ།། བདག་དང་ཕུར་བུ་གཟས་པ་པོ།། སྐུ་གསུང་ཐུགས་སུ་གཉིས་མེད་བསྟིམ།། ཏིང་འཛིན་སྔགས་དང་ཕྲིན་ལས་གསུམ།། གབ་པའི་གདམས་པ
139b5 ཁོང་བཀྲར་བཤད།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ། ཀི་ལ་ཡ་གསང་བའི་དགོངས་རྒྱུད་ལས། སྲས་མཆོག་ཕུར་པ་གདབ་པའི་ལེའུ་སྟེ་བཅུ་པའོ།། །། དེ་ནས་ཡང་ཀརྨ་ཧེ་རུ
139b6 ཀས། བཅོམ་ལྡན་འདས་བཛྲ་ཀཱི་ལ་ཡ་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། བདེ་བར་གཤེགས་པ་ཐམས་ཅད་ཀྱི།། སྐུ་གསུང་ཐུགས་ཀྱི་དཀྱིལ་འཁོར་ནས།། གསང་སྔགས་དམ་པ་ཇི་ལྟར
iiif viewer powered by OpenSeadragon
