| e-texts navigator |
| Wylie |
136b1 དྲུག་ཅུའི་གཙོ་མོ་སྟེ།། སྔོན་ནས་དགྲ་བོའི་བླ་འགུག་མ།། ཉམས་པའི་བླ་དང་སྲོག་ལ་ཡ།། ནམ་མཁའི་ལྷ་མོ་ཕུར་པའི་ལྷ།། ལག་བརྒྱ་ལྕགས་ཀྱི་ཕུར་པ་འདྲིལ།། སྤྱན་བརྒྱ་ཁྲག་གིས་མཆི་མ་འཛག། ཞལ་བརྒྱ
136b2 གདུག་པའི་ངན་སྔགས་ཟློས།། ཚེམས་ཀྱིས་སྐྱེ་ཤི་རྩ་བ་ཆོད།། ཕུར་བུའི་ལས་མཁན་ཆེན་མོ་ལ།། རབ་ཏུ་མི་སྲུན་ལས་ལ་བརྩོན།། ཕོ་ཉ་མང་པོ་ཕྱོགས་བཅུར་འགྱེད།། རྡོ་རྗེ་སྐུ་གསུང་ཐུགས་ལས་སྦྲུལ།། ཉམས
136b3 པའི་བླ་དང་སྲོག་ལ་ཡ།། གཞན་ཡང་དམ་ལ་བཏགས་པ་རྣམས།། དེ་དག་ལས་ལ་སྐུལ་བར་བྱའོ།། དེ་དག་མངོན་པར་ཁུགས་པ་དང་།། བསད་པའི་ལས་ལ་སྦྱར་བར་བྱའོ།། དེ་བཞིན་གཤེགས་པ་ཐམས་ཅད་ཀྱི་སྐུ
136b4 གསུང་ཐུགས་ཀྱི་གསང་བ། ཀཱི་ཡ་ལ་གསང་བའི་དགོངས་རྒྱུད་ལས། བརྡེག་པའི་དུས་ཚོད་ཀྱི་ལེའུ་སྟེ་དགུ་པའོ།། །། དེ་ནས་ཡང་ཀརྨ་ཧེ་རུ་ཀས་བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ
136b5 ཏོ།། ཀྱེ་བཅོམ་ལྡན་བཛྲ་ཀཱི་ཡ་ལ།། དྲག་པོའི་ལས་ལ་འཇུག་བྱེད་པ།། དྲེགས་པ་ཉམས་པ་བདུན་པོ་ལ།། གང་དང་གང་དུ་གདབ་པར་བྱ།། ཞེས་ཞུས་པས།། བཅོམ་ལྡན་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ
136b6 ཏོ།། ཉོན་ཅིག་ཀརྨ་ཧེ་རུ་ཀ། གང་གིས་གང་ལ་གདབ་བསྟན་པ།། མཐིང་ནག་གྲུ་གསུམ་འབར་བའི་དཀྱིལ་འཁོར་ནས།། བུདྡྷ་འདུས་པའི་སྲས་མཆོག་ཀཱི་ལ་ཡ།། གཏི་མུག་བདུད་བདུལ་ཁྲོས་པའི་རྒྱལ་པོ་དབྱིངས
iiif viewer powered by OpenSeadragon
