| e-texts navigator |
| Wylie |
133a1 བདུན་པོ་ལ།། འདི་ལ་ཉམས་པ་ཞེས་བྱ་སྟེ།། དེ་དག་སོ་སོའི་མཚན་ཉིད་ནི།། དེ་ཡི་དོན་རྣམས་ངས་བཤད་ཀྱི།། སྲོག་ལས་ཉམས་པའི་མཚན་ཉིད་ནི།། ཕ་དང་མ་དང་མཁན་པོ་གསོད།། སློབ་མ་གསོད
133a2 དང་ངན་སེམས་ཅན།། འདི་ནི་ནམ་ཡང་ལྟུང་བས་ན།། བསྒྲལ་བའི་དམིགས་གཅིག་འདི་ཡིན་ནོ།། དོན་ལས་ཉམས་པའི་མཚན་ཉིད་ནི།། རྡོ་རྗེ་སློབ་དཔོན་བཀའ་བསླུས་དང་།། ངན་སེམས་དཔྱ་སེམས་བྱེད་པ
133a3 དང་།། སྔགས་དང་ཕྱག་རྒྱ་རྒྱུན་གཅོད་དང་།། གསང་བའི་མན་ངག་སྦས་པ་རྣམས།། སྣོད་མེད་རྣམས་ལ་སྟོན་པ་དང་།། འདི་ནི་ཉམས་པ་ཆེན་པོ་སྟེ།། འདི་ཡང་བསྒྲལ་བའི་དམིགས་གཅིག་ཡིན།། བཀའ་ལས
133a4 ཉམས་པའི་མཚན་ཉིད་ནི།། དམ་ལ་བཏགས་ན་སྐུ་མཚང་འདྲ།། སྒྲུབ་ཟླར་སྦྲན་ན་ཁ་ཡོགས་འདོགས།། མན་ངག་བསྟན་ན་སྐུར་པ་འདེབས།། བདེན་པར་བསྟན་ན་ལོག་པར་ཁྲིད།། དོན་རྟགས་བསྟན་ན་གོལ་སར
133a5 འཛིན།། འདི་ནི་ཉམས་པ་ཆེན་པོ་སྟེ།། འདི་ལ་བསྒྲལ་བ་ལྷུར་ཡང་བརྩམ།། དོན་ལས་ཉམས་པའི་མཚན་ཉིད་ནི།། བྱ་རུ་མི་རུང་སྣ་ཚོགས་བྱེད།། རྫས་དང་ལག་ཆ་མངོན་དུ་འབྱིན།། ཏན་གཎ་སྦྱོར་བ་དངོས་སུ
133a6 བྱེད།། ལྟ་བ་ཏིང་འཛིན་རྒྱབ་ཏུ་བོར།། སྤྱོད་པ་བརླང་པོ་དང་དུ་ལེན།། ཁྲོ་གཏུམ་ང་རྒྱལ་རང་གར་གཏོང་།། དོན་གྱི་མན་ངག་ལོག་པར་གོ། ཕ་རོལ་འདྲེན་ལ་ལོག་པའི་ཆོས།། ཕྱིན་ཅི་ལོག་གི་དོན་ལ
iiif viewer powered by OpenSeadragon
