| e-texts navigator |
| Wylie |
132b1 དོན།། གདོད་ནས་མ་སྐྱེས་ཆོས་ཀྱི་དབྱིངས།། རྣམ་དག་མ་སྐྱེས་ཤེས་རབ་དབྱིངས།། དོན་ལ་དགོངས་པའི་ཆོ་འཕྲུལ་ནི།། སྙིང་རྗེ་ཆེན་པོའི་ཆོ་འཕྲུལ་ལོ།། རིག་པའི་རྒྱལ་པོ་རང་གནས་པས།། ཕྱི་ནང་སྣོད་བཅུད
132b2 རྣམ་པར་དག། ཐབས་ཀྱི་རྒྱལ་པོར་བདག་གྱུར་པས།། སྲིད་གསུམ་འཁོར་བ་དབྱིངས་སུ་སྒྲོལ།། ཞེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས
132b3 རྒྱུད་ལས། སྲས་མཆོག་གི་ཕུར་པ་བྱིན་གྱིས་བརླབ་པ་དང་ཕུར་པའི་ལྟ་བའི་ལེའུ་སྟེ་བདུན་པའོ།། །། དེ་ནས་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་གསོལ་ཏོ།། ཀྱེ་བཅོམ
132b4 ལྡན་བཛྲ་ཀཱི་ལ་ཡ།། སངས་རྒྱས་ཀུན་གྱི་ལམ་ཆེན་པོ།། སྔོན་ཚེ་དྲེགས་པ་བཏུལ་བའི་དོན།། དེ་ལྟར་རྗེས་འཇུག་རྣལ་འབྱོར་པས།། དམིགས་ནི་གང་དང་གང་ལ་བགྱི།། བསྒྲལ་བའི་དམིགས་རྣམས་ཇི་ལྟར
132b5 ལགས།། གཉིས་མེད་གཙོ་ལ་བདག་ཞུ་འཚལ།། ཞེས་གསོལ་པ་དང་། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། བསྒྲལ་བའི་དམིགས་རྣམས་བསྟན་པ་ནི།། ཀུན་ལ
132b6 བྱ་བར་གཞུང་ལས་མེད།། ཉམས་པར་གྱུར་པ་བདུན་ཡོད་དེ།། དམ་ལས་ཉམས་དང་བཀའ་ལས་ཉམས།། དོན་ལས་ཉམས་དང་ལས་ཀྱིས་ཉམས།། མཚན་མས་ཉམས་དང་འདོད་པས་ཉམས།། ལོག་པས་ཉམས་པ
iiif viewer powered by OpenSeadragon
