| e-texts navigator |
| Wylie |
131a1 ལ་འཇུག་པར་ནུས།། ལོངས་སྤྱོད་རྫོགས་སྐུར་བྱིན་གྱིས་བརླབ།། དེ་ནས་རིགས་ལྔར་བྱིན་བརླབས་ཏེ།། གནས་ལྔར་འབྲུ་ལྔ་བསྐྱེད་པ་ནི།། སོ་སོའི་སྙིང་པོ་གནས་སུ་བསྟིམ།། རིགས་ལྔའི་དབང
131a2 བསྐུར་བྱིན་གྱིས་བརླབ།། སྐུ་གསུང་ཐུགས་སུ་བྱིན་བརླབས་པ།། རིགས་རྣམས་འདུས་པའི་ཁོངས་སུ་བརླབ།། དེ་ནས་ཐུགས་ཉིད་མི་འགྱུར་བར།། ཡེ་ཤེས་རྩེ་གཅིག་བྱིན་གྱིས་བརླབ།། ཟུར་གསུམ་ཕཊ་གསུམ་དྲག
131a3 པོའི་རྟགས།། ལོགས་གསུམ་ཧཱུཾ་གསུམ་དྲག་ད་ལ་སྙོམས།། རི་རབ་ཚུལ་དུ་རབ་བརྗིད་པ།། སྐུ་ཡི་རྡོ་རྗེ་སྐུ་ཡི་སྟོབས།། སྐུ་སྟོབས་བརྗིད་པར་བྱིན་གྱིས་བརླབ།། གསུང་གི་རྡོ་རྗེ་གསུང་གི་སྟོབས།། གདངས་སྐད་དྲག
131a4 པོར་བྱིན་གྱིས་བརླབ།། ཐུགས་ཀྱི་རྡོ་རྗེ་ཐུགས་ཀྱི་སྟོབས།། འདོད་དགུར་བསྒྱུར་བར་བྱིན་གྱིས་བརླབ།། ཉུང་དཀར་ཁྲག་དང་གུ་གུལ་གྱིས།། བདུག་ཅིང་བྱུགས་ལ་གཟི་བྱིན་བསྐྱེད།། དེ་ནས་བདག་ཉིད་ཆེན་པོར
131a5 བྱིན་གྱིས་བརླབ།། ལག་པ་གཡས་པའི་མཐིལ་དུ་མ།། ཉི་མའི་དཀྱིལ་འཁོར་གྱུར་པའི་སྟེང་།། ཧཱུཾ་གཞག་ཀུན་ཏུ་བཟང་པོའི་མཁའ།། གཡོན་པའི་ཨ་ལས་ཟླ་དཀྱིལ་འཁོར།། ཨ་བཞག་ཀུན་ཏུ་བཟང་མོའི
131a6 མཁའ།། ཡབ་ཡུམ་ཐབས་དང་ཤེས་རབ་ལས།། གཉིས་མེད་བྱང་ཆུབ་སེམས་ལས་ནི།། གཡས་པའི་གུང་མོའི་སྟེང་དུ་ཨོཾ།། དེ་ལས་རྣམ་པར་སྣང་མཛད་དོ།། མཐེ་བོང་སྟེང་དུ་ཧཱུཾ་བསམས་ལ།། དེ་ལས་རྡོ་རྗེ་སེམས
iiif viewer powered by OpenSeadragon
