| e-texts navigator |
| Wylie |
128b1 བདུག། འབྲོས་ཀྱིས་མི་ཐར་གནད་གཟིར་བྱ།། སྟེང་ན་ཕུར་བུའི་སེར་བ་དབབ།། དྲོད་ཚད་གཏན་ལ་ཕེབས་པ་དང་།། བརྟུལ་ཞུགས་བསྐྱེད་དེ་གདབ་པར་བྱ།། དེ་བཞིན་གཤེགས་པ་ཐམས་ཅད་ཀྱི་གསང་བ། ཀཱི་ལ
128b2 ཡ་གསང་བའི་དགོངས་རྒྱུད་ལས། སྲས་མཆོག་ཕུར་པའི་དཀྱིལ་འཁོར་གྱི་ལེའུ་སྟེ་ལྔ་པའོ།། ། དེ་ནས་ཡང་ཀརྨ་ཧེ་རུ་ཀས་འདི་སྐད་ཅེས་གསོལ་ཏོ།། ཀྱེ་བཅོམ་ལྡན་བཛྲ་ཀཱི་ལ་ཡ།། འཁོར་བ་དབྱིངས་སུ
128b3 བསྒྲལ་བའི་ཕྱིར།། སྲིད་གསུམ་ཕུར་པས་གདབ་པ་ལ།། ཕུར་པའི་རྒྱུ་ནི་ཅི་ལ་བགྱི།། དེ་ཡི་ཚད་ནི་ཇི་ལྟར་ལགས།། དེ་ཡི་ཡོན་ཏན་འབྱུང་བ་ཇི་ལྟར་ལགས།། གསང་བའི་བདག་པོས་ལུང་བསྟན་དུ་གསོལ།། བདེ
128b4 བར་གཤེགས་པས་ལུང་བསྟན་དུ་གསོལ།། ཞེས་ཞུས་པས། བཅོམ་ལྡན་འདས་བཛྲ་ཀཱི་ལ་ཡས་འདི་སྐད་ཅེས་བཀའ་སྩལ་ཏོ།། ཉོན་ཅིག་ཀརྨ་ཧེ་རུ་ཀ། ཕུར་པའི་རྒྱུ་རྣམས་ངས་བཤད་ཀྱི།། དྲག་པོ་ལྕགས་ཀྱི་ཕུར་པ
128b5 ལ།། གྲི་ལྕགས་མདེའུ་རྙིང་རྟགས་ཕྱིན་དང་།། གནམ་ལྕགས་ཐོག་གི་ལྕགས་དག་དང་།། གཅོད་དང་རྣོ་དང་སྲ་ལ་སོགས།། སྟེང་དུ་སོར་གཅིག་རྒྱ་མདུད་བྱ།། རྐེད་པར་སོར་གཅིག་རྒྱ་མདུད་དོ།། ངོས་བརྒྱད་རིན
128b6 ཆེན་ཟུར་བརྒྱད་ལ།། ཁྲོ་རྒྱལ་གནས་པའི་གཞལ་ཡས་ཁང་།། བར་གྱི་རྒྱ་མདུད་བརྩེགས་མ་ལ།། ཐབས་དང་ཤེས་རབ་དབྱེར་མེད་དོ།། གཞལ་ཡས་རང་བཞིན་བརྩེགས་མར་གནས།། རྩེ་མོ་ཟུར་གསུམ་དྲག་པོར
iiif viewer powered by OpenSeadragon
