| e-texts navigator |
| Wylie |
128a1 མཚམས་ཀྱང་བཅད།། རྒྱུ་ལས་བྱུང་དང་རྐྱེན་ལས་བྱུང་།། བར་གཅོད་དངོས་གྲུབ་ཐོབ་ཏུ་མི་སྟེར་བར།། ཏིང་འཛིན་བསར་ལ་ཕྱི་མཚམས་ནང་མཚམས་བཅད།། དབང་དང་དངོས་གྲུབ་བླང་བའི
128a2 ཕྱིར།། ཡེ་ཤེས་ཁྲོ་བོ་སྤྱན་དྲངས་ནས།། ཕྲ་ཐབས་ཡང་སྦྲུལ་སུམ་སྦྲུལ་དང་།། དམ་ལ་བཏགས་པའི་དམ་ཅན་རྣམས།། སྤྱན་དྲང་མཆོད་བསྟོད་གཞུང་བཞིན་བྱ།། བསྙེན་པ་བདུན་འབུམ་ཉི་ཁྲི་གདོན།། བྱི་བ་ས་ཡས
128a3 གདོན་མི་ཟ།། མཆོད་པ་དུས་དྲུག་རྒྱུན་མི་གཅད།། དམ་ཅན་སྲུང་མ་འཁོར་བཅས་ལ།། དྲག་པོའི་གཏོར་མ་བྱིན་ནས་ནི།། གང་ལ་བྱ་བའི་ཕྲིན་ལས་བཅོལ།། མགྱོགས་བྱེད་ཡེ་ཤེས་ཕོ་ཉ་ཡིས།། ཏིང་འཛིན་བསར
128a4 ཏེ་གནས་ནས་དགུག། གཟིར་གནོན་དྲག་པོས་བསྣུན་པར་བྱ།། ལྷ་རྣམས་དྲག་པོའི་ལས་ལ་བསྐུལ།། ཐུགས་ལས་སྤྲུལ་པའི་ཕོ་ཉ་ནི།། ཕྲ་མེན་དྲག་པོའི་ལས་ལ་བསྐུལ།། ཏིང་འཛིན་བསར་ཏེ་ལས་ལ
128a5 བསྐུལ།། བཀའ་ཉན་ཕྲིན་ལས་ཕོ་ཉ་ཡིས།། དམ་ཅན་གནད་ཕབ་བསྐུལ་བ་ཡིས།། ཏིང་འཛིན་བསར་ཏེ་གནས་ནས་དགུག། གཟིར་གནོན་དྲག་པོས་བརྡུང་བར་བྱའོ།། སྔགས་དང་ཏིང་འཛིན་ཕྲིན་ལས
128a6 གསུམ།། དཀྱུས་དང་ཕྲིན་ལས་སྦྱར་བ་ནི།། སྐོར་ཚོམས་གསུམ་དུ་སྦྱར་བར་བྱའོ།། དུག་གཏོར་ཁྲག་དང་ཉུང་དཀར་གྱིས།། ལིངྒ་ལ་ནི་ཐུན་དུ་བྲབ།། འགོ་བའི་ལྷ་དང་བྲལ་བར་བྱའོ།། གུ་གུལ་ནག་པོའི་དུད་པས
iiif viewer powered by OpenSeadragon
