| e-texts navigator |
| Wylie |
127b1 གསུམ་བརྒྱ་ནི་རྩ་བརྒྱད་ལ།། གནན་ཕུར་བརྒྱ་དང་རྩ་བརྒྱད་དགོད།། འདི་ནི་སྲས་མཆོག་དཀྱིལ་འཁོར་རོ།། གསད་པ་ལས་ཀྱི་དཀྱིལ་འཁོར་ནི།། དཀྱིལ་འཁོར་བྱང་ཤར་མཚམས་སུ་ནི།། འབྲུབ་ཁུང་ལས་ཀྱི
127b2 དཀྱིལ་འཁོར་བྲི།། ཧོམ་ཁུང་གྲུ་གསུམ་གདེངས་པ་ལ།། རྩེ་མོ་ལྷོ་ཡི་ཕྱོགས་སུ་བསྟན།། དུག་གི་ཆུ་ཡིས་ཆག་ཆག་གདབ།། རོ་བསྲེགས་སོལ་བས་ནག་པོར་བྱུག། བང་རིམ་གསུམ་དང་ལྡན་པར་བྱ།། ཧཱུཾ་དང་ཕཊ
127b3 ཀྱིས་བསྐོར་བ་བྲི།། ཉི་ཤུ་རྩ་བརྒྱད་རྩང་གིས་བསྐོར།། རྒྱ་གྲོག་དམར་པོའི་ཚད་དང་ནི།། མཚལ་ཁམས་ཆུ་ཡིས་ཁྱེར་བ་དང་།། སྲུབས་མའི་ལོ་མ་གངས་ཀྱི་དུམ་བུ་དང་།། དྲི་ཆེན་དྲི་ཆུ་བསེ་ཡི་རས་མ་དང་།། སོ་དོག
127b4 གཞི་བླང་ལིངྒ་ཐལ་སྐྱའི་མདོག། དཔྲལ་བར་དུས་བྲིས་སྙིང་གར་མིང་བྲིའོ།། མགོ་ནི་ལྷོ་ནུབ་མཚམས་སུ་བསྟན།། རྐང་པ་བྱང་ཤར་མཚམས་སུ་བསྟན།། ཧོམ་ཁུང་ནང་དུ་མགོ་བསྟན་ལ།། སྐྲ་བཤིག་སྒྲེན་མོར་ཕྱུང
127b5 བར་བསམ།། དེ་ནས་རྣལ་འབྱོར་ཏིང་འཛིན་ཅན།། སྲིད་པའི་ཕུར་བུ་བསྒྲུབ་པ་དང་།། དབང་དང་དངོས་གྲུབ་བླང་བའི་ཕྱིར།། ཡེ་ཤེས་ཁྲོ་བོ་གཤེགས་སུ་གསོལ།། ཁྲོ་བོ་ཆེན་པོ་གཤེགས་ནས་ཀྱང་།། རྟགས་དང
127b6 མཚན་མ་བསྟན་པ་དང་།། ཀི་ལ་ཡ་ཡི་དངོས་གྲུབ་སྩོལ།། སྲིད་གསུམ་ཕུར་བུར་བསྒྲུབ་པའི་ཕྱིར།། སློབ་དཔོན་འཁོར་གནས་ཕུན་སུམ་ཚོགས།། འཚོ་བ་ཟས་དང་སྒྲུབ་རྫས་རྐྱེན་བཟློག་སྨན།། ཕྱི་ནང་རྒྱུ་འགྲུལ
iiif viewer powered by OpenSeadragon
