| e-texts navigator |
| Wylie |
127a1 བྱའོ།། གང་ཟག་རྣམས་ལ་སྐུར་བ་ནི།། དུས་འདི་ཕན་ཆད་རྒྱལ་བའི་སྲས།། ངན་སོང་གསུམ་དུ་ལྟུང་མི་སྲིད།། ལྷ་དང་མི་ཡི་དབང་པོར་འགྱུར།། བསྐྱེད་རིམ་ལ་ནི་སེམས་ཞུགས་ནས།། བུམ་པའི
127a2 དབང་ཐོབ་སེམས་ཟིན་ནས།། ཐར་པའི་ལམ་ལས་ལྡོག་མི་སྲིད།། ཟབ་མོའི་དབང་ནི་ཐོབ་གྱུར་ནས།། རྡོ་རྗེ་སེམས་དཔའི་མཚན་ཡོངས་སུ་རྫོགས་པའི་ས་ནོན་པ་ཞེས་པའོ།། དེ་བཞིན་གཤེགས་པ་ཐམས་ཅད་ཀྱི་སྐུ
127a3 གསུང་ཐུགས་ཀྱི་གསང་བ། ཀཱི་ལ་ཡ་གསང་བའི་དགོངས་རྒྱུད་ལས་དབང་གི་ལེའུ་སྟེ་བཞི་པའོ།། ། དེ་ནས་ཡང་ཀརྨ་ཧེ་རུ་ཀས།། བཅོམ་ལྡན་འདས་བཛྲ་ཀི་ལ་ཡ་འདི་སྐད་ཅེས་གསོལ་ཏོ།། ཀྱེ་གསང
127a4 མཆོག་བཛྲ་ཀཱི་ལ་ཡ།། སྲས་མཆོག་ཕུར་པའི་དཀྱིལ་འཁོར་གང་།། གསང་བ་ལས་ཀྱི་དཀྱིལ་འཁོར་གང་།། ཞེས་གསོལ་པ་དང་། ཀཱི་ལ་ཡས་བཀའ་སྩལ་པ། ཉོན་ཅིག་ཀརྨ་ཧེ་རུ་ཀ། སྲས་མཆོག་ཕུར་པའི་དཀྱིལ
127a5 འཁོར་ནི།། ཡང་དག་ཉིད་དུ་ངས་བཤད་ཀྱི།། ལུས་ངག་ཡིད་ཀྱིས་གུས་པར་ཉོན།། ལས་ལ་སྦྱོར་བའི་དུས་སུ་ནི།། གསང་བ་ཡུམ་གྱི་དཀྱིལ་འཁོར་ལ།། མེ་འོད་འབར་བས་བསྐོར་བ་བྲི།། དབུས་སུ་གྲུ་གསུམ་མཐིང
127a6 ནག་ལ།། ཕྱི་རིམ་སྒོ་རྣམས་ཉིས་བརྩེགས་སུ།། ནང་རྣམས་ཕྱོགས་བཞི་མཚམས་བརྒྱད་ལ།། གྲུ་གསུམ་ཉི་ཤུ་རྩ་གཅིག་ལ།། སྲས་མཆོག་ཉི་ཤུ་རྩ་གཅིག་དགོད།། ཕྱི་རྣམས་ཕྱོགས་བཞི་མཚམས་བརྒྱད་དུ།། གྲུ
iiif viewer powered by OpenSeadragon
