| e-texts navigator |
| Wylie |
126b1 གསལ་བཀོད་དེ།། ལན་གསུམ་ཚུལ་དུ་ནན་ཏན་བྱ།། གཉིས་སུ་མེད་པའི་བྱང་ཆུབ་སེམས།། ཞལ་བུ་ཀ་པཱ་ལ་རུ་བསམ།། ཐབས་དང་ཤེས་རབ་གཉིས་ཀྱིས་བླང་།། སྐུ་གསུང་ཐུགས་སུ་བསྐུལ་བར་བྱའོ།། དངོས
126b2 གྲུབ་ཆེན་པོ་ཐོབ་པར་ངེས།། དངོས་གྲུབ་རྣམ་གཉིས་མི་ལྡོག་པ།། ཤེས་རབ་མ་ཡི་མཚན་བརྟག་པ། སྐྲ་ནི་སེར་ལ་ལི་བ་དང་།། མིག་ལ་ཀྲི་ཀ་ཆགས་པ་དང་།། འབྲས་བུ་དཀར་ནག་ཕྱེད་པ་དང་།། སོ་ལ་སོ་ཞོ
126b3 ཆགས་པ་དང་།། རྐང་པའི་བྱིན་པ་ཕྲ་བ་དང་།། ལུས་ལ་དྲི་ཞིམ་ནད་ཀྱང་ཉུང་།། ནུ་མ་ཆུང་ལ་སྐེད་སྐབས་དོད།། སྐད་ཀྱང་ངང་པ་གཞོན་ནུ་འདྲ།། ལྕེ་འཇིབས་མ་མཆུ་སོ་ཡིས་འདྲད།། ནུ་མ་མཉེ་ཞིང་ཁ་གཉིས
126b4 སྦྱར།། མཁའ་གསང་གཉིས་ནི་བྱིན་བརླབས་ལ།། ཨེ་སྟེང་ཉི་མ་པདྨ་བརྒྱད།། ཟླ་བ་རྡོ་རྗེ་རྩེ་ལྔ་ཨཱཿ།། སྟྭཾ་དང་ཧོ་ཡིས་བསྐུལ་ལ་ནི།། དེ་ལ་གཉིས་མེད་སྦྱོར་བར་བྱ།། པདྨ་ལ་ནི་རྡོ་རྗེ་ཞུགས།། རྡོ་རྗེའི་ལམ་ནས
126b5 པདྨར་འཁྱིལ།། བདེ་བ་གསལ་ཞིང་མི་དམིགས་པ།། བྱང་ཆུབ་སེམས་ཆུ་རབ་ཕབ་ནས།། གསང་བའི་ཕོ་བྲང་དབུས་སུ་ནི།། བདེ་བར་གཤེགས་པའི་སྐུ་རྣམས་བསྐྱེད།། སྐད་ཅིག་མ་ཡི་སྤྲོ་བསྡུས་ཞུ།། དཀར་འཚེར
126b6 ཆུབ་སེམས་སུ་གྱུར།། བྱང་ཆུབ་སེམས་ནི་སྤྱན་དྲངས་ནས།། བྱང་ཆུབ་སེམས་ནི་བསག་པའི་སྣོད།། མཚན་དང་ལྡན་པའི་ཀ་པཱ་ལ།། སྐུ་གསུང་ཐུགས་ཀྱི་གནས་རྣམས་སུ།། དབང་བསྐུར་དངོས་གྲུབ་བསྟིམ་པར
iiif viewer powered by OpenSeadragon
