| e-texts navigator |
| Wylie |
126a1 རིགས་ཀྱི་བུ་མཆོག་དེ།། བདག་ལུས་སྲོག་དང་ནོར་ལ་སོགས།། བུ་དང་ཆུང་མར་བཅས་པ་རྣམས།། ཞུམ་པ་མེད་པའི་སེམས་ཀྱིས་དབུལ།། རྡོ་རྗེ་རིགས་ཀྱི་ཡོན་ཡིན་ནོ།། བྲན་དང་བཅས་པའི་འདོད
126a2 ཡོན་ལྔ།། འཁོར་ལོ་ཅན་གྱི་ཡོན་ཡིན་ནོ།། རིན་ཆེན་སྣ་ལྔ་ལ་སོགས་དང་།། གླང་པོ་རྟ་དང་མ་ཧེར་བཅས།། རིན་ཆེན་རིགས་ཀྱི་ཡོན་ཡིན་ནོ།། མ་སྲིང་བུ་མོ་ཆུང་མ་དང་།། རབ་ཏུ་བརྒྱན་པ་དག་དང་ནི།། རྒོད་མ་ལ
126a3 སོགས་མོ་ཆགས་རྣམས།། པདྨའི་རིགས་ཀྱི་ཡོན་དུ་དབུལ།། རྟ་དང་མ་ཧེ་གླང་ཆེན་དང་།། རྫས་ཀྱི་བྱེ་བྲག་མང་པོ་བཀལ་བ་ནི།། ལས་ཀྱི་རིགས་ཀྱི་ཡོན་དུ་དབུལ།། སློབ་དཔོན་པདྨའི་ཁྲི་ལ་བཞུགས་སུ
126a4 གསོལ།། གསེར་ལ་སོགས་པ་རིན་པོ་ཆེ།། དར་གྱི་ཐུམ་པོར་བཅུག་ལ་ནི།། གཞན་ཡང་རྫས་རྣམས་ཅི་འབུལ་བ།། སློབ་དཔོན་ཉིད་ལ་གཏོར་དེ་དབུལ།། རྡོ་རྗེ་སློབ་དཔོན་ཐུགས་ཀ་ཡི།། ཡེ་ཤེས་སེམས་པ་ཉིད་ལ
126a5 ཕོག། འོད་ཟེར་དུ་ནི་འཕྲོས་པ་ལས།། སློབ་མ་ཡི་ནི་ཐུགས་ཀ་རུ།། ཡེ་ཤེས་སེམས་དཔའ་ཉིད་ལ་ཐིམ།། ཐིམ་པས་འོད་དུ་ཞུ་བར་གྱུར།། ཨ་ཁཾ་བཱི་ར་པཱ་ཛ་ཧཱུཾ། དེ་སྐད་བརྗོད་ལ་བསྐོར་བ་བྱ།། དེ་ནས་དཀྱིལ་འཁོར
126a6 ཆེན་པོ་རུ།། དབང་གི་རིམ་པ་བསྐུར་བར་བྱ།། དང་པོ་རྒྱུ་འབྲས་མི་བསླུ་བསྟན།། དེ་ལྟར་འབུལ་བྱེད་སློབ་མ་ལ།། རྫོགས་པའི་རིམ་པའི་དབང་བསྐུར་བྱ།། བུ་མོ་ལོ་གྲངས་ཉི་ཤུ་ལ།། ཕྱག་རྒྱའི་དཀྱིལ་འཁོར
iiif viewer powered by OpenSeadragon
