| e-texts navigator |
| Wylie |
125b1 བཞིན་སྲུངས།། གསང་བའི་སྡོམ་པ་འདའ་དཀའ་བ།། གསང་སྔགས་ཟབ་མོ་སྟོན་པའི་སློབ་དཔོན་ལ།། སྨད་སེམས་འཕྱ་སེམས་བྱས་ན་ནི།། དངོས་གྲུབ་མེད་ཅིང་དམྱལ་བར་ལྟུང་།། སྲོག་ལ་བར་ཆད་མྱུར་དུ་འོང་།། དེ
125b2 ལྟར་དམ་ཚིག་ཕོག་པ་དང་།། གསང་སྔགས་ཟབ་མོའི་དབང་མཆོག་འབྲས་བུ་ལ།། ལས་འཕྲོ་སྐལ་བར་ལྡན་དང་མི་ལྡན་པ།། ལུས་བཀྲུས་གོས་གཙང་བསྐོན་ལ་ཉལ་དུ་གཞུག། གསང་སྔགས་ཟབ་མོའི་སྒོར་ཞུགས
125b3 དབང་མཆོག་ཐོབ། རྡོ་རྗེ་སློབ་དཔོན་ཕྱག་ཆ་གནང་གི་རྨི།། ཐུགས་ཀྱི་དངོས་གྲུབ་ཐོབ་པའི་རྟགས།། ལག་ཏུ་བ་དན་ཐོགས་པ་དང་།། ཀུན་གྱི་དམག་དཔོན་བྱེད་ཅིང་རྨི།། སྐུ་ལ་རྒྱན་ཆ་འདོགས་ཤིང་རྨི། སྐུ་ཡི་དངོས
125b4 གྲུབ་ཐོབ་པའི་རྟགས།། གསེར་གཡུ་ལུས་ལ་བཏགས་ཤིང་རྨི།། གཞན་ཡང་ཟངས་ལྕགས་རིན་པོ་ཆེ།། བདག་གིས་བཏགས་དང་འཆང་བ་རྨི།། ཡོན་ཏན་དངོས་གྲུབ་ཐོབ་པའི་རྟགས།། ལག་ཏུ་པདྨ་མེ
125b5 ཏོག་ཐོགས།། ཉི་དྲོ་ཟླ་གསལ་མི་མཐོང་བ།། རྒྱ་མཚོ་ཆེན་པོ་བརྒལ་གྱིན་རྨི།། བདག་གི་ལུས་ཀྱང་བཤས་ནས་ནི།། ཤ་ཁྲག་མི་ཡིས་བགོས་ཀྱིན་རྨི།། གསུང་གི་དངོས་གྲུབ་ཐོབ་པའི་རྟགས།། མདའ་གཞུ་གོ
125b6 མཚོན་ཐོགས་པ་དང་།། རྩི་ཤིང་མང་པོ་བསྲེལ་བ་དང་།། ནམ་མཁའ་ལ་ནི་འཕུར་གྱིན་ནི།། ཕྲིན་ལས་དངོས་གྲུབ་ཐོབ་པའི་རྟགས།། གསང་སྔགས་ཟབ་མོ་དབང་གི་འབྲས་བུ་ལ།། ལས་དང་སྐལ་བར་ལྡན་པའི
iiif viewer powered by OpenSeadragon
