| e-texts navigator |
| Wylie |
125a1 གསུང་ཐུགས་ཀྱི་འཕྲོ་འདུ་གྲངས་མེད་སྤྲོ།། རེ་རེ་ལ་ཡང་གསུམ་གསུམ་མོ།། ཕྲ་མོའི་ཏིང་འཛིན་གསལ་བར་བྱ།། སྲན་མ་སྲན་ཆུང་ཉུང་དཀར་ཏིལ།། ཏིང་འཛིན་མི་གསལ་བཟླས་པ་བྱ།། བདུན་འབུམ
125a2 ཉི་ཁྲི་ཐེམ་པ་དང་།། ཕུར་པའི་རྟགས་རྣམས་དུས་སུ་འབྱུང་།། རྣལ་འབྱོར་དད་དང་ལྡན་པར་འགྱུར།། དེ་ཡིས་དབང་རྣམས་རིམ་བཞིན་བསྐུར།། རྗེས་འཇུག་དབང་མཆོག་འདོད་པ་དེས།། དཀྱིལ་འཁོར་དམ་པ་བསྟན
125a3 པའི་ཕྱིར།། སློབ་དཔོན་ལུང་དང་ལྡན་པ་དེས།། བདུད་རྩི་ཁར་བླུག་མནའ་ཡིས་བསྒག། ཨ་མྲྀ་ཏ་ཡིས་ན་ར་ཀན།། བཟླས་པའི་ཆུ་ནི་ཁ་རུ་བླུག། གསང་བའི་དཀྱིལ་འཁོར་འདིར་ཞུགས་ནི།། ཁྱོད་ཀྱིས་གཞན་ལ་མ་སྨ
125a4 ཞིག། གལ་ཏེ་གཞན་ལ་སྨྲས་གྱུར་ན།། སྡུག་བསྔལ་ཆེན་པོས་ཐར་མི་འགྱུར།། སྲོག་ལ་བར་ཆད་མྱུར་དུ་འོང་།། སེམས་ཅན་དམྱལ་བ་ཆེན་པོར་སྐྱེ།། དེ་ལས་ཐར་པའི་དུས་མེད་འགྱུར།། ཁྱོད་ལ་དམ་ཚིག་དཔོག་པ
125a5 ནི།། ཡི་དམ་ལྷ་ལ་རྟག་པར་གནས།། སྔགས་དང་ཕྱག་རྒྱ་རྒྱུན་མི་གཅོད།། བླ་མ་མིག་གི་འབྲས་ལྟར་བལྟ།། རྡོ་རྗེ་སྤུན་ལ་བརྩེ་གདུང་ཆེ།། གསང་བའི་མན་ངག་ཐབས་མཆོག་འདི།། སྣོད་ངན་གཞན་ལ་མི་སྤེལ
125a6 ལོ།། རྒྱུད་འབྲེལ་བློ་ཞེན་སྒྲུབ་ལ་ཞུགས།། སྦྱོར་སྒྲོལ་མཆོད་པ་རྒྱུན་མི་གཅོད།། རྫས་དང་ལག་ཆ་རྟག་ཏུ་ཆོངས།། བལྟ་བ་ནམ་མཁའ་བཅོས་པ་མེད།། སྤྱོད་པ་ས་གཞི་བཞིན་དུ་གྱིས།། དམ་ཚིག་འཇིགས་པའི་མཁར
iiif viewer powered by OpenSeadragon
