| e-texts navigator |
| Wylie |
122b1 སྟེང་དུ།། རྟ་མགྲིན་རྒྱལ་པོ་ཡབ་ཡུམ་བསྐྱེད།། ནུབ་བྱང་འཁོར་ལོའི་རྩིབས་སྟེང་དུ།། རླུང་ལྷ་བསྣོལ་བའི་གདན་སྟེང་དུ།། གཞན་གྱིས་མི་ཐུབ་ཡབ་ཡུམ་བསྐྱེད།། བྱང་ཕྱོགས་འཁོར་ལོའི་རྩིབས་སྟེང་དུ།། གནོད་སྦྱིན
122b2 བསྣོལ་བའི་གདན་སྟེང་དུ།། བདུད་རྩི་འཁྱིལ་པ་ཡབ་ཡུམ་བསྐྱེད།། བྱང་ཤར་འཁོར་ལོའི་རྩིབས་སྟེང་དུ།། དབང་ལྡན་བསྣོལ་བའི་གདན་སྟེང་དུ།། ཁམས་གསུམ་རྣམ་རྒྱལ་ཡབ་ཡུམ་བསྐྱེད།། མདུན་དུ་ཚངས་པའི
122b3 གདན་སྟེང་དུ།། ཧཱུཾ་མཛད་ཡབ་ཡུམ་བསྐྱེད་པར་བྱ།། རྒྱབ་ཏུ་ས་བདག་གདན་ལ་ནི།། སྟོབས་ཆེན་ཡབ་ཡུམ་བསྐྱེད་པར་བྱ།། དེ་དག་གཡས་གཡོན་གཉིས་སུ་ནི།། ཕྲ་ཐབས་གཡས་ལ་ཕྲ་མེན་གཡོན།། ཡང་སྦྲུལ་གསུམ
122b4 སྦྲུལ་བསྐྱེད་པར་བྱ།། སྒོ་བཞིར་སྒོ་མ་བཞི་དག་དགོད།། མཚན་དང་ལྡན་པའི་བྷན་དྷ་རུ།། སོ་སོའི་སྙིང་པོ་བྲིས་ལ་ནི།། དངོས་གྲུབ་རྟེན་ནི་ནུབ་ཏུ་གཞག། ཐོད་པའི་ཚལ་བུ་བཅུ་གཅིག་ཏུ།། ཚིལ་ཆེན་མེ་མར་བཅུ
122b5 གཅིག་བཏང་།། ཚིགས་སུ་བཅད་པའི་བསྟོད་པ་བྱ།། མཆོད་པའི་སྨོན་ལམ་བརྒྱ་དང་སྟོང་།། རཀྟ་མང་པོ་མཚོ་ལྟར་རློབས།། མཱཾ་ས་མང་པོ་རི་ལྟར་སྤུང་།། ཤུན་ཆེན་ས་གཞི་སྤྲིན་ལྟར་གཏིབ།། ཞི་བྲན་མང་པོ་འཕན་དུ
122b6 བཀྲམ།། གཞན་ཡང་རྒྱན་རྣམས་གཞུང་བཞིན་དགྲམ།། དེ་ལྟར་གསལ་བའི་དཀྱིལ་འཁོར་ནི།། སྒྲུབ་པའི་དཀྱིལ་འཁོར་དམ་པ་ཡིན།། མཎྜལ་འདོམ་གང་གྲུ་བཞི་ལ།། ཐིག་བཞི་བཏབ་པས་ལིང་ཚེ་དགུ། དབུས་སུ
iiif viewer powered by OpenSeadragon
