| e-texts navigator |
| Wylie |
120b1 ཀྱི་སྤྱོད་པས་འགྲོ་དོན་དུ།། བྱམས་དང་སྙིང་རྗེས་གང་འདུལ་བ།། སངས་རྒྱས་ཕྲིན་ལས་རྫོགས་མཛད་ནས།། དབང་དང་བྱིན་རླབས་སྩལ་དུ་གསོལ།། ཞེས་འཁོར་རྣམས་ཀྱིས་ཕྱི་ནང་གསང་བའི་མཆོད་པ་ཕུལ་ནས། ཕྱི
120b2 ནང་གསང་བའི་དབང་གསུམ་དང་།། སྐུ་གསུང་ཐུགས་ཀྱི་བྱིན་རླབས་ཀྱིས།། སྟོང་གསུམ་མ་ལུས་འོད་ཟེར་འཕྲོ།། ཐམས་ཅད་བྱང་ཆུབ་སེམས་སུ་གྱུར།། བསྡུས་པས་སྐུ་གསུང་སྟོབས་ཆེན་པོ།། སྐུ་གསུང་ཐུགས་སུ
120b3 དབང་བསྐུར་རོ།། ཀཱི་ལ་ཡ་གསང་བའི་དགོངས་རྒྱུད་ཆེན་པོ་ལས་དབང་གི་ལེའུ་སྟེ་གཉིས་པའོ།། །། དེ་ནས་ཡང་ཁྲོ་བོ་ཀརྨ་ཧེ་རུ་ཀས། བཅོམ་ལྡན་འདས་བཛྲ་ཀཱི་ལ་ཡ་ལ་འདི་སྐད་ཅེས་ཞུས་སོ།། ཀྱེ་བཅོམ་ལྡན
120b4 འདས་བཛྲ་ཀཱི་ལ་ཡ། རྗེས་སུ་བསྒྲུབ་པའི་རྣལ་འབྱོར་པས།། གནས་ནི་གང་དུ་གང་དུ་བགྱི།། དཀྱིལ་འཁོར་རྣམ་གསུམ་སྐུ་གསུང་ཐུགས།། འདི་ཡི་དོན་རྣམས་ཇི་ལྟར་ལགས།། ཞེས་གསོལ་པ་དང་། དེ་ནས་བཛྲ་ཀཱི་ལ
120b5 ཡས། གནས་ཀྱི་ཁྱད་པར་འདི་གསུངས་སོ།། ཉོན་ཅིག་ཀརྨ་ཧེ་རུ་ཀ། གནས་ཀྱི་ཁྱད་པར་བསྟན་པ་ནི།། ཕུར་བུ་བསྒྲུབ་པའི་གནས་རྣམས་ནི།། དུར་ཁྲོད་གནས་དང་ཤིང་གཅིག་དྲུང་།། རྒྱ་གྲམ་ལམ་དུ་བྱ་བ་དང་།། ངམ
120b6 གྲོག་གནས་དང་ཁང་སྟོང་དུ།། རྡོ་རྗེ་དྲག་པོའི་དཀྱིལ་འཁོར་བྱ།། ལས་ལ་ཕན་འདོགས་ཡོད་པ་དང་།། བསྒྲིམ་ཞིང་ཤུགས་ཀྱིས་ཏིང་འཛིན་གསལ།། དེ་ལ་ཐབས་དང་རྟགས་མེད་ན།། བདག་གི་གཟུགས་ཕུང་བརླག་པ
iiif viewer powered by OpenSeadragon
