| e-texts navigator |
| Wylie |
120a1 མོའི་མགོ་དང་བྱི་བའི་མགོ། ཡང་སྤྲུལ་པ་སུམ་སྦྲུལ་གྲངས་མེད་ཀྱིས།། སྲིད་པའི་རླུང་ཡང་མི་ཟར་གཏམས།། དེ་ནས་བཅོམ་ལྡན་འདས་བཛྲ་ཀི་ལ་ཡས། འཇིག་རྟེན་གྱི་དྲེགས་པ་ཅན་གྱི་འབྲས་བུ་རྒྱ་མཚོ
120a2 ཙམ་དུ་རྔུབས་ནས་བཛྲ་ཀཱི་ལ་ཡ་ཡི་འོད་ཟེར་སྐུ་ལ་བསྟིམ། དྲན་པ་རྙེད་དེ། བཛྲ་ཀི་ལ་ཡའི་ཡང་དག་པའི་བདེན་པ་མཐོང་ངོ་།། དེའི་ཚེ་བཛྲ་ཀཱི་ལ་ཡའི་འབངས་སུ་དམ་བཅས་མནའ་བོར་ནས། ལུས་ཁྲོ་བོ་རྣམས་ཀྱི
120a3 གདན་དུ་ཕུལ། ཕྱི་རབས་ཀྱི་རྣལ་འབྱོར་རྗེས་སུ་འཇུག་པའི་གྲོགས་དང་ཚོགས་བསྐྱང་བར་དམ་བཅས་སོ།། རྒྱལ་རྣམས་བཙོན་དུ་བཟུང་བ་ཡིས། འབངས་རྣམས་ཚམས་ལ་ཕེབས་པར་འགྱུར། དེའི་ཚེ་ཕྱོགས་སྐྱོང་བ
120a4 རྣམས།། ཁྲོ་བོའི་ཞབས་འོག་ཏུ་ཞུགས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་གསང་བ་ཀཱི་ལ་ཡ། གསང་བའི་དགོངས་རྒྱུད་ཆེན་པོ་ལས། དྲེགས་པ་ཅན་བཏུལ་བའི་ལེའུ་སྟེ་དང
120a5 པོཔོའོ།། །། དེ་ནས་ཡང་བཅོམ་ལྡན་འདས་བཛྲ་ཀཱི་ལ་ཡ་ལ། འཁོར་རྣམས་ཀྱིས་འདི་སྐད་ཅེས་གསོལ་ཏོ།། རྡོ་རྗེ་གཞོན་ནུའི་རིག་འཛིན་རྣམས།། སྲིད་པའི་རྡོ་རྗེ་གྲུབ་མཛོད་ཅིག། སྲིད་པ་རྡོ་རྗེ་ཕུར་པའི་ལྷ།། ཡེ
120a6 ཤེས་ཁྲོ་བོ་གྲུབ་པར་མཛོད།། སངས་རྒྱས་ཀུན་གྱི་ཡེ་ཤེས་སྐུ།། ངང་ཉིད་རྡོ་རྗེ་ཆོས་དབྱིངས་ལས།། འབར་བའི་ཁྲོ་བོ་མི་བཟད་པ།། སྐུ་ཡི་དབྱིག་ཏུ་བདག་སྐྱེད་ཅིག། གསུང་དང་ཐུགས་ཀྱང་དེ་བཞིན་ནོ།། ཐབས
iiif viewer powered by OpenSeadragon
