| e-texts navigator |
| Wylie |
119b1 པའི་འབྲས་བུས་ཤིན་ཏུ་འཇིགས་ཤིང་རྨོངས། སེམས་ཅན་ཐམས་ཅད་ལ་གནོད་པར་བྱེད་པ། སྡུག་བསྔལ་དང་ཡིད་མི་བདེ་བ་དང་། སྲོག་དང་བྲལ་བར་བགྱིད། དེའི་དོན་ལ་ཐུགས་རྗེས་དགོངས་ནས། ཡབ་ཡུམ
119b2 གཉིས་སུ་མེད་པའི་བྱང་ཆུབ་ཀྱི་སེམས་ལས།། ཨོཾ་བཛྲ་ཀཱི་ལི་ཀཱི་ལ་ཡ།། ཧཱུཾ་ཧཱུཾ་ཧཱུཾ། ཛཿཛཿཛཿ། ཕཊ་ཕཊ་ཕཊ། ཀཱི་ལ་ཡ་ཏི་ར་བཾ། ཧཱུཾ་ཛཿཀཱི་ལ་ཡ་སོད་ཆོམ་གཏོགས། ཞེས་ཕྱོགས་བཅུའི་སངས་རྒྱས་ཐམས་ཅད་ཀྱི་ཐུགས
119b3 དམ་རྗེས་སུ་དྲན་པར་གྱུར། ཉིད་ཀྱི་སྐུ་ལས་ཀྱང་སྲས་མཆོག་གྲངས་མེད་པ་ཐོན་པར་གྱུར་ཏེ། ཕྱོགས་བཅུའི་དྲེགས་པ་ཅན་ཐམས་ཅད་བསྡུས་ནས་བསྒྲལ་བར་གྱུར་ཏོ།། ཡབ་ཡུམ་གཉིས་སུ་མེད་པའི་བྱང་ཆུབ་སེམས་ཀྱི
119b4 རང་བཞིན་ལས། ཧཱུཾ་ཀ་ར་དང་སྒྲ་འབྱིན་མ།། རྣམ་པར་རྒྱལ་དང་རྣམ་སྙེམས་མ།། དབྱུག་པ་སྔོན་པོ་སྡེར་མོ་དང་།། གཤིན་རྗེའི་གཤེད་པོ་དུར་ཁྲོད་མ།། མི་གཡོ་མགོན་པོ་གཏུན་ཁུང་མ།། རྟ་མགྲིན་རྒྱལ་པོ་གཏུམ་མོ
119b5 དང་།། ཏ་ཀི་རཱ་ཙ་མདའ་སྙེམས་མ།། བདུད་རྩི་འཁྱིལ་པ་རླུང་འབྱིན་མ།། ཁམས་གསུམ་རྣམ་རྒྱལ་གསོད་བྱེད་མ།། སྟོབས་པོ་ཆེ་དང་རྡོ་རྗེ་བསྐྱོད་མ་དང་།། གཉིས་སུ་མེད་པའི་སྤྲུལ་པའི་ཕྲ་མེན་ཡང་།། ཕག་མགོ་སྟག
119b6 མགོ་གཡག་མགོ་དང་།། ཤ་བ་གཟིག་དང་བྱི་ལའི་མགོ། སྤྱང་མོའི་མགོ་དང་སེང་གེའི་མགོ། དྲེད་དང་དོམ་གྱི་མགོ་རུ་བསྟན།། སྨིག་བུ་བྱ་རོག་བྱ་རྒོད་མགོ། འུག་པ་ཁྭ་དང་པུ་ཤུད་མགོ། ཁྲ་ཡི་མགོ་དང་ཕ་ཝང་མགོ། སྲེ
iiif viewer powered by OpenSeadragon
