| e-texts navigator |
| Wylie |
117b1 རབ་ཏུ་ཁྲོས་པ་མི་བཟད་པར་བསྟན་པའི་ཕྱིར། སྐུ་གསུང་ཐུགས་ལས་གསང་བའི་སྔགས་འདི་ཕྱུང་ངོ་།། ཨོཾ་བཛྲ་ཀཱི་ལི་ཀཱི་ལ་ཡ། སརྦ་བིགྷྣཱཾ་བཾ་ཧཱུཾ་ཕཊ། ཅེས་བརྗོད་པས། རབ་ཏུ་ཁྲོས་པའི་ཏིང་ངེ་འཛིན་ལ་སྙོམས་པར
117b2 བཞུགས་ཏེ། སྐྱེ་བ་མེད་པ་ལས་སྐྱེ་བའི་ཆོ་འཕྲུལ་དབུ་དགུ་ཕྱག་བཅཝ་བརྒྱད། ཞབས་བགྲད་པ། སྤྱན་བཟློག་པ། མཆེ་བ་གཅིག་པ། སྐུ་གསུང་ཐུགས་ཤིན་ཏུ་མི་བཟད་པ་གཅིག་ཏུ་གྱུར་ཏོ།། རབ་ཏུ་མི་བཟད་པའི་ཐུགས
117b3 ཀ་ནས།། ཐུགས་ཡེ་ཤེས་ཀྱི་ས་བོན་ལས། གསང་བའི་སྔགས་འདི་ཕྱུང་ངོ་།། ཨེ་རཾ་ཡཾ་ཁཾ། ཨེ་རཾ་ཡཾ་སུ་ཀཻ། བྷྱཱཾ་བྷནྣ་བྷྱཱཾ། ཞེས་འདི་ལྟ་བུའི་ཆོ་འཕྲུལ་གྱི་སྣང་བ་ཆགས་ཤིང་། ཡེ་ཤེས་ཀྱི་ཆོ་འཕྲུལ་དུ་བསྒྱུར་ཏོ། ཉིད་ཀྱིས
117b4 བྱིན་གྱིས་བརླབས་ནས། ཀརྨ་ཤྲཱི་ཧེ་རུ་ཀ་ཞེས་བརྗོད་པས། ཁྲོ་བོ་ཀརྨ་ཧེ་རུ་ཀ་སྐུ་མདོག་ལྡང་ནག། སྐུ་ཤིན་ཏུ་མི་བཟད་པ་འཐོན་ཏོ།། དེ་ནས་ཁྲོ་བོ་ཀརྨ་ཧེ་རུ་ཀས། བཅོམ་ལྡན་འདས་ལ་བཛྲ་ཀཱི་ལ་ཡ་འདི་སྐད་ཅེས
117b5 གསོལ་ཏོ།། ཨེ་མ་ཧོ།། བཅོམ་ལྡན་འདས་བཛྲ་ཀཱི་ལ་ཡ།། དཔྱང་ཐག་ཆད་པའི་ངན་སོང་འཁོར་བ་ལ།། ཐུགས་རྗེ་བཟུང་ནས་ཆོ་འཕྲུལ་བསྟན་པ་འདི།། འདི་ལྟ་བུ་ཡི་ཆོ་འཕྲུལ་ངོ་མཚར་ཆེ།། འདི་ཡི་རྗེས་སུ་བསྒྲུབ་པའི
117b6 རྣལ་འབྱོར་པས།། སྟོང་པའི་དོན་རྟོགས་ཇི་ལྟར་ལགས།། ཨེ་ཞེས་བྱ་བ་ཇི་ལྟར་ལགས།། རཾ་ཡཾ་ཁཾ་ར་སུ་ཀཻ། བྷྲཱུཾ་བྷནྣ་བྷྱཱཾ། འདི་ལྟ་བུའི་རྫུ་འཕྲུལ་ངོ་མཚར་ཅན། ཀཱི་ལ་ཡ་ཡིས་ལུང་འདི་བསྟན་དུ་གསོལ།། བདེ་བར
iiif viewer powered by OpenSeadragon
